ဖြိုးသာရ ကအချစ်ကို အိမ်လေးနဲ့နိူင်းတယ်..
တကယ်ပါ..အချစ်ဆိုတာ အိမ်ကလေးတစ်လုံးလိုပါပဲ..
ထာဝရ ခိုင်မြဲအောင်တည်ဆောက်ဖို့လိုတဲ့ အိမ်လေးပါပဲ..
..
အချစ်ဆိုတာ အိမ်ကလေးတစ်လုံးလိုပါပဲ။
'အိမ်' ရယ်လို့ ပီပြင်လာဖို့ လိုအပ်ချက်တွေ အများကြီးရှိတယ်မဟုတ်လား။
'အချစ်' ရယ်လို့ ပီပြင်လာဖို့လည်း အများကြီးလိုအပ်တာပေါ့ ချစ်သူ။
အိမ်တစ်အိမ်ဟာ လုံခြုံရမယ်။
အချစ်ဟာလည်း လုံခြုံရမယ်လေ။
အိမ်မှာ အမိုးရှိရမယ်။ ဘာနဲ့ပဲမိုးမိုးပေါ့။ မိုးမစို နေမထိအောင်တော့ အုပ်မိုးပေးရမှာပေါ့။
အချစ်မှာလည်း အမိုးရှိဖို့လိုတယ်။ အဲဒါ ခံနိူင်ရည်အမိုးပဲ။ ပူချင်သလောက်ပူစမ်းပါစေ။ မိုးတွေလည်း
သဲကြီးမဲကြီး ရွာချစမ်းပါစေ။ မှုစရာမလိုဘူးလေ။
အိမ်မှာ အကာရှိရမယ်။ အကာအရံမရှိတဲ့ အိမ်ဟာလေတိုက်ခံရမှာပဲ။ မိုးလည်းပက်မှာပဲ။ အလွယ်တကူ
ဝင်ထွက်နိူင်တာမို့ ရန်သူအမျိူးမျိူး ရင်ဆိုင်ရလိမ့်မယ်။
အချစ်မှာလည်း အကာရှိဖို့လိုတယ်။ အဲဒါကတော့ သစ္စာပါပဲ။ သစ္စာနဲ့ကာရံထားတဲ့ အချစ်အိမ်ကို
ဘယ်လိုအနှောင့်အယှက်မျိူးတွေမှ ဝင်မလာနိူင်ဘူးမဟုတ်လား ချစ်သူရယ်။
အိမ်မှာ ခိုင်မာတဲ့ ကြမ်းခင်းရှိရမယ်။ ညီညာရမယ်။ ချောမွတ်ပြောင်လက်နေသင့်တယ်။ အနင်းခံနိူင်ဖို့
လိုတယ်ချစ်သူ။
အဲဒီလိုပဲ အချစ်မှာလည်း ညီညွတ်ဖြူစင်ပြီး ခိုင်မာတဲ့ စိတ်ဓာတ်ကြမ်းခင်းရှိရမယ်။ ကြမ်းကျွံရင် နူတ်လို့
လွယ်တယ်ဆိုပေမယ့် အနာတရတော့ ဖြစ်မှာပဲလေ။ ကြမ်းခင်းပေါ်မှာ အမှိုက်သရိုက်နဲ့တူတဲ့ အတွေးဆိုးတွေ
မရှိအောင် ရှင်းလင်းနေရမယ်။
အိမ်ကလေးရဲ့ အခြေခံ အုတ်မြစ်ခိုင်ခံ့ဖို့လည်းလိုတာပဲပေါ့။ မြင့်ချင်လေလေ၊ အိမ်တိုင်ကို နက်နက်စိုက်
ရလေလေ။
အချစ်ကိုလည်း ကြာရှည်တည်မြဲစေဖို့ နက်နဲတဲ့ ရည်မှန်းချက်နဲ့ ကြိုးစားတည်ဆောက်ရမယ်ချစ်သူ။
အိမ်ကလေးတင့်တယ်လှပဖို့ အဆင်တန်ဆာတွေနဲ့ ဖြည့်ဆည်းကြရတယ်။ ရေမီးပြည့်စုံအောင် ဖန်တီး
ရတယ်။ အဆောင်အယောင်တွေနဲ့ ဖွဲ့စည်းရတယ်။ တစ်သက်လုံး စုဆောင်းဖြည့်စွက်နေကြရမှာပဲလေ။
အဲဒီလိုပဲလေ အချစ်အိမ်ကလေးကိုလည်း တင့်တယ် လှပနှစ်လိုဖွယ် အရည်အချင်းတွေရှိဖို့ တစ်ဘဝလုံး
ကြိုးစားကြရမှာပေါ့ ချစ်သူရယ်။
အချစ်ဆိုတာ အိမ်ကလေးပါပဲ။ သာယာချမ်းမြေ့ ပြည့်စုံတဲ့ အိမ်လှလှလေး ဆောက်ကြမယ်နော်ချစ်သူ။
အချစ်အိမ်
Subscribe to:
Post Comments (Atom)
0 comments:
Post a Comment