NyIzAw

လူထုဦးလှ သို့မဟုတ် တစိမ့်စိမ့် အပြုံးရှင်

၁။
ခါတိုင်းလိုပါပဲ။ သံတံခါးနီကြီးရှေ့ ရပ်ပြီး တံခါးကို အသာအယာ ဆွဲဖွင့်ပြီး ပြန်စေ့၊ ထို့နောက် မြက်ခင်းစိမ်း နုလေးပေါ် ဖြစ်လျှောက်၍ စာကြည့်တိုက် တံခါးဝ အရောက်တွင် လက်နှိပ်စက်သံ တဖြောက်ဖြောက်ကို ကြားလိုက်ရသည်။

တိတ်ဆိတ်ခြင်းတို့ မင်းမူနေသော စာကြည့်တိုက်ထဲတွင် စာကြည့်တိုက်မှူး၊
လက်ထောက် စာကြည့်တိုက်မှူးတို့ကလည်း သူတို့ရဲ့ နေ့စဉ် အလုပ်နှင့် သူတို့ မအားလပ်ကြ။ မိမိကလည်း ထုံးစံအတိုင်း ထိုင်နေကျ ခုံလေးတွင် ၀င်ထိုင်ပြီး ဖတ်လက်စ စာအုပ် တချို့ကို သွေးနွေးသွားအောင် မိတ်ဆက်ရပြန်သည်။

သိပ်မကြာခင်မှာပဲ မိမိလည်း စာကြည့်တိုက်ကြီးထဲမှ အစိတ်အပိုင်း တစ်ရပ် ဖြစ်သွားခဲ့ပြီ။ တိတ်ဆိတ်ခြင်း အင်ဂျင်ဖြင့် ခုတ်မောင်း နေသော စာကြည့်တိုက်ကြီးထဲမှာ မိမိလည်း စီးမျော သွားခဲ့ရပြီဖြစ်သည်။ စာကြည့်တိုက်နှင့် ဝေးနေခဲ့ရသော ရက်စွဲများတွင် “စာဖတ်ခြင်း”ဆိုသော အလုပ်က လုပ်စရာ မလိုဘူးဟူ၍တောင် စိတ်ဝယ် ထင်နေခဲ့မိသည်။နေ့စဉ် မြို့ပြရဲ့ ကတ္တရာ လမ်းမပေါ် သူသူကိုယ်ကိုယ် ပြေးပြေးလွှားလွှား ကိုယ့်စားကျက်ကိုယ် ရှာနေရ စဉ်မတော့ စာကြည့်တိုက်ဆိုတာ သူတစိမ်းပမာ ဖြစ်ခဲ့ရဖူးသည်။ တသီးတသန့် အချိန်ရအောင် ယူပြီး စာကြည့်တိုက်ထဲ သွားထိုင်ဖြစ်လျှင်တော့ ဖတ်စရာ၊ မှတ်စု ထုတ်စရာ၊ ရေးချင်စရာတွေ မနည်းမနော ထုထည်ကြီးနှင့်ပါလား။


မြေညီထပ်တွင် မဂ္ဂဇင်း မျိုးစုံက သံစင်ကြီးများနှင့် အပြည့်အမောက်၊ တချို့မဂ္ဂဇင်းများဆို သူ့နေရာလေး တစ်နေရာရဖို့ မျက်နှာငယ်လေးဖြင့် တောင်းဆို နေရတာ မြင်နေရပြန်သည်။ အုတ်သား လှေကားထစ် အတိုင်း ပထမထပ် တက်သွားလိုက်ပြန်လျှင် စာအုပ် ပင်လယ်ကြီးက လှိုင်းတံပိုးထလျက် မိမိကို လက်ယက် ခေါ်နေပြန်သည်။

အနား တိုးကပ်ကြည့်လိုက်လျှင် စစ်ကိုင်း ဦးဘိုးသင်း၊ မြမျိုးလွင်၊ ရွှေဥဒေါင်း၊ မင်းကျော်၊ မောင်ထင်၊ စောဦး၊ ဒဂုန်တာရာ၊ မြသန်းတင့်၊ အောင်လင်း၊ ဒေါက်တာသန်းထွန်း၊ မောင်နေ၀င်း၊ သခင်ကိုယ်တော်မှိုင်း၊ မောင်မဲ၊ ဇ၀န၊ သိန်းဖေမြင့်၊ ဂျာနယ်ကျော်မမလေး၊ ခင်နှင်းယု၊ မိုးမိုး(အင်းလျား)၊ ဒဂုန်နတ် ရှင်၊ ဆန်းထွန်း(မန်းတက္ကသိုလ်)၊ တိုက် စိုး၊ သုခ၊ ဇော်ဂျီ၊ မင်းသုဝဏ် စာအုပ် စင်ကြီးတွေကို ရှေ့ကကြည့်လိုက် နောက်ကျောဘက်က ကြည့်လိုက်ဖြင့် မောလှပါပြီ။ ဖတ်စရာတွေ၊ ဖတ်စရာတွေ တောင်ပုံရာပုံ။ ဒုတိယထပ်မှ တတိယ ထပ်သို့ ခပ်ဖွဖွ တက်ဖြစ်ခဲ့ပြန်ပြီ။

သားရေနက်ဖုံးကြီးများဖြင့် အခန့်ချုပ် ထားသော လက်တစ်တောင်မက ရှည်လျားပြီး လစဉ်အလိုက် သေသပ် ကျနစွာ စည်းနှောင် ချုပ်လုပ်ထားသော သတင်းစာကြီးများ ပေါင်းချုပ်။အဟောင်းအမြင်း ရနံ့က ကြိုင်လွင့် ပျံ့သင်းနေသည်။ သမိုင်း စာမျက်နှာများကို ပြောပြနေသည့် ထိုသတင်းစာကြီး များကို အသာအယာပင် လှန်လှောပြီး တစ်ရွက်ချင်း၊ တစ်ရွက်ချင်း ခပ်ဖွဖွ။ စာရွက်ခတ်သံ၊ လွန့်သံတို့ကိုပင် ကျယ်ကျယ်လောင်လောင် ကြားနေခဲ့ရသည်။ နီနီရဲရဲ စာလုံးလေးက ထင်းခနဲ ပေါ်လာသည်။ လူထု...လူထုဂျာနယ်၊ လူထု သတင်းစာ...နှစ်ပရိစ္ဆေဒ ကြာမြင့်မှု၊ မှုန်ဝါးမှု အတိတ်ကားချပ်များအောက်မှ ရုန်း ထလာသည်၊ လာနေသည်ဟု စိတ်ဝယ် ထင်မြင်နေရသည်။

၂။
၁၉၉၀ နှင့် ၁၉၉၅ ကြားကာလ၊ မန္တလေး တက္ကသိုလ် ကျောင်းသား ဘ၀က မိမိဆရာ ဦးစိန်သီးဦးနှင့် ညစဉ်လိုလို တက္ကသိုလ် ထိပ်နားက ကာချိုဆိုင်လေး မှာ ထိုင်ဖြစ်ကြသည်။ စကားဦးတည့် ရာပြောရင်း စနေစာပေ၀ိုင်း အကြောင်းသို့ စကားဆိုက်သည်။ ဆရာက စီးကရက်တစ်ဖွာ မျှဉ်းရှိုက်ပြီး လူထု ဦးလှ (သို့မဟုတ်)
ဦးလေးလှ အကြောင်း ပြောပြတတ်သည်။ “ကိုယ် ရတနာပုံ သတင်းစာ ဂဏန်း ၁၊ အတွဲ ၁ ကိုတွေ့တော့ ဟံသာဝတီ သတင်းစာတိုက်၊
စနေစာပေ၀ိုင်းမှာ MA ကျောင်းသားဆိုတာ ဒီလိုမှပေါ့လို့ ဦးလေးလှက ကိုယ့်ပခုံးကို ကိုင်ပြီး ပြောခဲ့တဲ့ စကားသံ အခုထိ ကြားယောင်နေတုန်းပဲကွာ”
ဆက်ပြီး ဆရာက ပြောပြန်သေးသည်။

“တစ်နေ့ ဘယ်သူက ပါမောက္ခကို ချွန်တွန်းသွား လုပ်လည်း မသိပါဘူးကွာ။ ကိုယ့် သတိပေး ခံခဲ့ရတယ်။ မင်း ဒေါက်တာ သန်းထွန်းရဲ့ ကျောက်စာသင်တန်း သွားတက်တယ်။ လူထုဦးလှ ဒေါ်အမာတို့အိမ် ရေထွက် မတတ်သွားနေတယ်။ စာရေးတာတောင် စကားပြောသလို လိုက်ရေး နေတယ်နဲ့ ပြောကြတယ်။

လူထု ဦးလှတို့က လူကောင်း၊ လူတော်တွေကွ။ စိတ်ကောင်း နှလုံးကောင်းလည်း ရှိကြတယ်။ သူတို့ ဘေးက လူတချို့ကိုတော့ မင်းကြည့်ပေါင်း နိုင်ငံရေးတွေ၊ ဘာတွေ သွားမရှုပ်နဲ့ ကြားလား” ဆရာ့ရဲ့ပါမောက္ခက ပုဂ္ဂိုလ်စွဲသာ ရှိခဲ့ရင်၊ အမြင် မကြည်လင်ခဲ့ရင်၊ အသိအမှတ်ပြု မထားခဲ့ရင်၊ လူထုဦးလှတို့ရဲ့ သဘောထားတွေကို မထောက်ခံခဲ့ရင် ဆရာတို့ MA ဘွဲ့ရခဲ့ကြမှာ မဟုတ်ဘူးဆိုတာပါ ဆရာက ဖြည့်စွက် ပြောသွားခဲ့သည်။ တက္ကသိုလ် ၀င်းထဲရှိ တမာ တောအုပ်မှ တမာရနံ့ သင်းပျံ့သော လေပြည်ညင်းက အချိန်အခါမဲ့ တိုက်ခတ်သွားသည်။ ဆရာနှင့် ဆုံတိုင်း လူထု ဦးလှ၊ လူထု ဒေါ်အမာတို့ အကြောင်း စဉ်ဆက်မပြတ် ကြားနေခဲ့ရသည်။ ခက်သည်က မိမိ ဘ၀မှာ လေ့လာခဲ့သော စာပေ အများစုမှာ လုံးချင်း ၀တ္ထုများ၊ ရသကဲ လွှမ်းသော ဆောင်းပါးများ အဖတ်များ ဖြစ်ခဲ့တော့ အမှန်အတိုင်း ၀န်ခံရလျှင် လူထု ဒေါ်အမာ၏ ပြည်သူ ချစ်သောနှင့်သာ ရင်းနှီးဖူး ပြီး ဦးလေးလှ၏ စာများကို တရှိုက်မက်မက် မဖတ်ဖြစ်ခဲ့ခြင်းကိုတော့ ၀န်ခံလိုပေသည်။

ကောင်းပြီ၊ ဒါဆို လူထုဦးလှနှင့် ပတ်သက်ပြီး ဘယ်မှာ သွားငြိသနည်း ဆိုတော့ လူထု ချစ်သမျှ လူထု ဦးလှထဲက မိမိ အလွန် အင်မတန်မှ အားကျ ကြည်ညိုရသော ဆရာ မြသန်းတင့်၏ ဦးလှလျှောက်ခဲ့သော လမ်းပင် ဖြစ်သည်။ ဆရာ မြသန်းတင့်က လူထုဦးလှ၏ SKETCH ကို “ဦးလှရုပ်ပုံလွှာသည် ပန်းစကြာ မှန်ပြောင်းကို ကြည့်ရသလို အရောင်အသွေးအစုံ၊ အနေအထားစုံသည့် ရုပ်ပုံလွှာ ဖြစ်ရာ ဦးလှ အကြောင်းကို ထောင့်စုံအောင် မရေးနိုင်ပါ။
ဦးလှသည် ကြီးပွားရေး မဂ္ဂဇင်းကို ထုတ်ဝေသူ၊ တည်းဖြတ်သူအနေဖြင့် နယ်ချဲ့ဆန့်ကျင်ရေးနှင့် ခေတ်ပြောင်းတော်လှန်ရေးကို မျိုးစေ့ ချခဲ့သူတစ်ဦး။ ထိုမျှမက ခေတ်စမ်း စာပေလောကနှင့် အပြင် စာပေလောကတို့ကို လည်း ပေါင်းစည်း ပေးနိုင်ခဲ့သူ တစ်ဦး ဖြစ်သည်။

နောက်ကားချပ်မှာ ဂျာနယ် ဆရာ၊ သတင်းစာဆရာ ဦးလှ။ ဦးလှက လူထု ဂျာနယ် ထုတ်သည်။ ထိုမှစ၍ ကြီးပွားရေး ဦးလှဟူသော အမည် ပျောက်ကာ လူထု ဦးလှဟူသော အမည်ကို ရလာသည်။ ထို့နောက် လူထု သတင်းစာ ထုတ်ဝေသည်။ စင်စစ် ဦးလှသည် ပျားတစ်ကောင်ကဲ့သို့ အလွန် အလုပ်များသူ ဖြစ်သည်။ သတင်းစာ ထုတ်တုန်းကလည်း သတင်းစာသမား တို့ထုံးစံ ခေါင်းကြီးရေးရ၊ ကြေးနန်း သတင်းတည်းဖြတ်ရ၊ နယ်သတင်းတွေ လည်း တည်းဖြတ်ရနှင့် အားရသည်ဟူ၍ မရှိ။ သတင်းစာ ရပ်လိုက်သည့် အခါတွင်လည်း လူမှုရေး ကိစ္စတွေ တစ်ပုံ တစ်ပင်၊ လူအိုရုံ ကိစ္စ၊ ဆေးရုံ ကိစ္စ၊ မြို့ကိစ္စ၊ ရပ်ရွာ ကိစ္စတွေနှင့် အမြဲ အလုပ်များ နေတတ်သည်။ ထိုသို့ အလုပ်များနေ သည့်ကြားမှ လာသမျှ ဧည့်သည်ကိုလည်း ဧည့်ဝတ် ကျေအောင် လုပ်နိုင်သေးသည်။ ဦးလှ အကြောင်း ရေးလျှင် လူမှု ကောင်းစားရေးကို ရှေ့ရှု ဆောင်ရွက်သည့် ပရဟိတ ၀ါဒီတစ်ဦး အနေဖြင့် ရေးလျှင် ရေးစရာတွေ အများကြီး။

ကျွန်တော်သည် လူတစ်ယောက်ကို ကြည့်မြင်ရာတွင် ၇၀^ ၃၀ စံချိန်ဖြင့် ကြည့်ပါသည်။ လူတစ်ယောက် ၇၀ ရာခိုင်နှုန်း ကောင်းပြီး ၃၀ ရာခိုင်နှုန်းဆိုး လျှင် ထိုလူသည် လူကောင်း။ လောကတွင် ပြည့်စုံသည် ဟူ၍ မရှိပါ။ ဦးလှ တွင် ချွတ်ယွင်းချက်၊ အားနည်းချက်များ ရှိကောင်း ရှိပါလိမ့်မည်။ သို့ရာတွင် ထိုအားနည်းချက်၊ ချွတ်ယွင်းချက်များ သည် ၃၀ ရာခိုင်နှုန်းပင် မရှိပါ။ ဦးလှ၏ အားကောင်းချက်သည် ၇၀ ရာခိုင်နှုန်း ထက် အများကြီး ပိုပါသည်” ဟူ၍
တို့ထိထားခဲ့သည်။

လူထုဦးလှ ဆိုသူမှာ ဤသို့ပါတကားဟု စတင် စိတ်ဝင်စား လာခဲ့ရသည်။ တစ်ရက် မြို့ထဲရှိ လမ်းဘေး တက္ကသိုလ်မှ စာအုပ်တစ်အုပ် ရသည်။ လူထုဦးလှ၏ လေနှင့်အတူ ဆိုသည့် စာအုပ်။ ဦးလှသည် ပုဒ်မ ၅ ဖြင့် အဖမ်းခံနေရစဉ် ထောင်တွင်း၌ လူငယ် တစ်ဦးနှင့်သိကျွမ်း၍ အနာဂတ် လူငယ်များ အကျိုးအတွက် ထိုလူငယ်၏ ဘ၀ ဇာတ်ကြောင်းကို ပြောခိုင်းသည်။ ထိုအခါ လူငယ်က သူ၏ အိမ်ပြေးဘ၀၊ အလစ်သုတ်သမား ဘ၀၊ ဖောက်ထွင်း ခါးပိုက်နှိုက် ဘ၀၊ ဖဲရိုက်၊ ဆေးခြောက် ရှူပြီး ထောင်အကြိမ်ကြိမ် ကျသော အဖြစ်များ၊ သမာအာဇီဝ အလုပ် အနည်းငယ်သာ လုပ်ပြီး ဒုစရိုက် ကျူးလွန်မှုများဖြင့် လွင့်မျောနေသောဘ၀ကို ရေးဖွဲ့ထားသော ၀တ္ထု ဖြစ်နေသည်။ မိမိမှာ ထိုဝတ္ထု ဖတ်ပြီး ပတ်ဝန်းကျင်ကို အလန့်တကြား ကြည့်မိခဲ့သည်။ ဘ၀ဆိုတာ ဒါမျိုးတွေ လည်း ရှိနေတာပါလားဟု အသိရလိုက် သည်။ ထိုစာအုပ်လေး သွားလေရာ တကိုင်ကိုင်ဖြစ်နေစဉ် ဦးလေးသန်းညွန့် က လူထုဦးလှ ထောင်ထွက်လာတော့
ထောင်စာအုပ် ၉ အုပ်ပါလာခဲ့တယ်ကွ ဟု ဆိုရာ မိမိမှာ ကျန်သည့် ထောင် စာအုပ်များကို လိုက်စုဆောင်းရပြန် သည်။

ဤသို့ဖြင့် မန္တလေးမြို့ လမ်းဘေး တက္ကသိုလ်များမှ ထောင်နှင့် လူသား ထပ်ရပြန်သည်။ ထိုစာအုပ် တွင် ထောင်ကျ ၁၂ ယောက်တို့၏ ဘ၀ကို မိဘမျိုးရိုးမှ စ၍ လူ့ဘ၀ ရောက်လာပုံ၊ ပညာသင်ယူပုံ၊ လူ့လောကတွင် ကြီးပြင်း လာခဲ့ရပုံ စသည်တို့ကို မေးမြန်း မှတ်သားခဲ့ပြီး မူရင်းအတိုင်း အသေး စိတ်တင်ပြထားသည်။ ထိုထောင်ကျ များထဲမှ “ကိုသုခ” ကို ယနေ့တိုင် အမှတ်ရ နေမိသည်။ ဗိုလ်ချုပ်အောင် ဆန်းတို့ကို ဦးစော လုပ်ကြံရာတွင် ပါဝင်ခဲ့သူ အကြောင်း ဖြစ်နေသည်။

ထို့ နောက် “အမြ”၊ အမြကတော့ အချစ် ဆန်းကြောင့် သေဆုတောင်းခဲ့သူ ဖြစ်နေ ပြန်သည်။ သို့ဖြင့် လူထုဦးလှ၏ ထောင် စာအုပ် ၂ အုပ် ဖတ်ခွင့်ရလိုက်ပြီ။ လှောင်ချိုင့်တွင်းမှ ငှက်ငယ်များကိုတော့ မျက်နှာဖုံးပင် မပါတော့ဘဲ အနှောင့်များ ပြုတ်ထွက်လျက် ညဈေးတန်းမှ ရလိုက်ပြန်သည်။ ဇနီးနှင့် သားသမီး များသို့ ထောင်တွင်းမှ ပေးစာများကို ကျုံးဘေး စာကြည့်တိုက်မှ ငှားရမ်း ဖတ်ရှုခဲ့ရသည်။ ဦးလှ ရန်ကုန်ထောင်ကြီး၌ ၁၉၅၃ အောက်တိုဘာ ၇ ရက်မှ ၁၉၅၇
ဇန်န၀ါရီ ၁၄ ရက်ထိ ၃ နှစ်ကျော် အဖမ်းခံ နေရစဉ်အတွင်း မန္တလေးရှိ ဇနီးနှင့် သားသမီးများထံသို့ ပေးပို့သော စာ စုစုပေါင်း ၅၁ စောင်ကို စုပေါင်းပုံနှိပ် ထားခြင်းဖြစ်သည်။ ဖတ်ခဲ့ရသော စာအုပ်များထဲမှ တစ်မူ ဆန်းသစ်သော စာအုပ်လေးဟု မှတ်မှတ်သားသား ဖြစ်နေခဲ့ရပြန်သည်။ အားလုံး ကောင်းကြရဲ့လား၊ ရဲဘော်နှင့် မောင်ကြီးနှမ၊ စစ် အချစ်နှင့်ထောင် သုံးအုပ်ကို တစု တစည်းတည်း လမ်း ၃၀၊ ဒေါင်းအိုးဝေ စာပေမှ ရလိုက်သည်။ ထောင်စာအုပ် များက
ဖတ်လက်စ ဖြစ်နေ၍ ထိုသုံး အုပ်ကို ဆက်တိုက် ဖတ်ဖြစ်ခဲ့သည်။ ရဲဘော်နှင့် မောင်ကြီးနှမတွင် ဗမာ့ လွတ်လပ်ရေး တပ်မတော်သို့ ၀င်ရောက်ပြီး တိုင်းပြည် လွတ်လပ်ရေး တိုက်ပွဲတွင် ပါဝင်ခဲ့သော မြိတ်မြို့နယ်က လူငယ် ရဲဘော်တစ်ဦးနှင့် မန္တလေး မြို့ဈေးချိုဆိုင် တစ်ဆိုင်က မိန်းမပျို တစ်ဦးတို့၏ အချစ် ဇာတ်လမ်းလေး ဖြစ်နေသည်။

ထူးခြားချက်က ထိုဝတ္ထု ထဲတွင် ရှေးဟောင်းမြန်မာ့ စစ်တိုက် နည်းများနှင့် မင်းတုန်းမင်း၊ သီပေါမင်း ခေတ် နန်းတွင်း အရေးတော်ပုံများ အကြောင်း ပါဝင် နေပြန်သည်ကို မှတ်သားခွင့် ရလိုက်ပြန်သည်။ စစ်အချစ်နှင့် ထောင်မှာ ဗြိတိသျှ အစိုးရခေတ် ၁၉၃၀ တစ်ဝိုက် ဆိုးဝါးသော စီးပွားရေး စနစ်အောက်တွင် တောင်သူ လယ်သမားများ ဘေးဒုက္ခ ရောက်ကြရပုံများ၊ စစ်ဘေးဒဏ်ခံကြရပုံများ၊ စစ်ပြေး ဒုက္ခသည်များနှင့် အိန္ဒိယသို့ ထွက်ပြေးကြပုံ များနှင့်
လမ်းခရီးတွင် ဒုက္ခ ရောက်ကြ ရပုံများ၊ ဒုက္ခများ ကြားထဲမှ တွေ့ကြုံဆုံ ကွဲရသော လူငယ် တစ်ဦး၏ အချစ်ရေး၊ ထိုလူငယ် ဓားပြမှု ကြီးဖြစ်ပွားကာ ထောင်ဒဏ် တစ်သက်တစ်ကျွန်း အပြစ် ပေးခံရ၍ ရန်ကုန်ထောင်ကြီး အတွင်း၌ တွေ့ကြုံ ခံစားရပုံများ အပြင် “ထောင် ဝေါဟာရ”အချို့ကို ပုံနှင့်တကွ ရှင်းပြ ထားတာပါမြင်ရ၊ ဖတ်ခဲ့ရသည်။ စစ်ပြီး စက ထောင်တံခါး နှင့် မနီးတဲ့ ဘ၀ခရီး နှစ်အုပ်ကိုတော့ နောင်ကာလများစွာ လွန်မြောက်ပြီးမှ ဘုန်းကြီး တစ်ပါးက စွန့်ကြဲ၍ ရခဲ့လိုက်သည်။

ဤသို့ဖြင့် လူထု ဦးလှ ရေးသား ပြုစုခဲ့သော ထောင်စာအုပ် ၉ အုပ်ဖတ်ခွင့်၊ ပိုင်ခွင့် ရခဲ့ပြန်သည်။ လူထုဦးလှ ဆိုသည့် စာရေး ဆရာကြီးမှာ ရောက်ရာ အရပ်တွင် စာရေးသား မှတ်တမ်း တင်နိုင်သော ပုဂ္ဂိုလ်ကြီး ဟူ၍ တစ်ဆင့်တိုးပြီး စိတ်ဝင်စားမှု မြင့်လာခဲ့ရသည်။

၃။
မိမိ မျက်စိ ရှေ့မှောက်မှ အဖြူ အမည်း ဓာတ်ပုံများက တချို့ဆိုလျှင် ကြေးဝါရောင်ပင် သန်းစပြုနေပြီ။ ဓာတ်ပုံများကို စနစ်တကျ သူ့အစီအစဉ် အတိုင်း တစ်မျက်နှာတိုင်းတွင် ကပ်ထားသည်ကို တွေ့ရသည်။ ဓာတ်ပုံ စာအုပ် ဟုဆိုလျှင် မှန်မည်။ ဓာတ်ပုံအယ်လ် ဘမ်ဟူ၍ ခေါ်ရမည် မထင်။ မိသားစု ပိုင်စာအုပ်ဆိုတော့ ကိုယ့်စိတ်တိုင်းကျ ချုပ်ထားသော အနံတို၊ အလျားရှည်သော ဓာတ်ပုံ စာအုပ်။ လူထုဦးလှ ဖြတ်သန်းခဲ့သော ပုံရိပ်များကို ဟန်အနေ အထား
အမျိုးမျိုးဖြင့် တွေ့ရသည်။

ဆရာကြီး သခင် ကိုယ်တော်မှိုင်းပုံ နောက်ခံ ကားချပ်ရှေ့မှ ဟောပြောနေသော လူထုဦးလှ။စာဆိုတော်နေ့ အခမ်းအနား တစ်ခုမှ ပါမောက္ခချုပ် ဦးကျော်ရင်နှင့် တွဲထိုင် နေသော လူထုဦးလှ။ လေယာဉ် ကွင်းထဲမှ ပန်းကုံး တဝေေ၀နှင့် ပြုံးနေသော လူထုဦးလှ။ ဆရာတော် ရွှေတိုင်းသားက ပေ၊ ပုရပိုက် ကြည့်နေစဉ် နံဘေးမှ မှတ်စု လိုက်နေသော လူထုဦးလှ။

ရှုမ၀ဦးကျော်နှင့် ဦးသုခတို့ အလယ်မှ ရယ်မောနေသော လူထုဦးလှ။ ဆရာဇော်ဂျီနှင့် အတူ ကြမ်းပြင်ပေါ် တူညီစွာ ထိုင်ပြီး နှစ်လိုသော အပြုံးနှင့် လူထုဦးလှ။
မင်းကွန်း ခေါင်းလောင်းကြီး၊ ပုထိုးတော်ကြီး၊ မြသိန်းတန် စေတီတို့ ရှေ့မှ လူထု ဦးလှ။ သိန်းဖေမြင့်၊ ဇ၀နတို့နှင့် အတူ စားသောက် ပြီးခါစ လူထုဦးလှ။
မြမျိုးလွင်၊ ဒီဆူဇာဦးခင်ဇော်၊ ဟံသာဝတီ သတင်းစာ အယ်ဒီတာချုပ်တို့နှင့် လူထုဦးလှ။ စစ်ကိုင်း တံတားပေါ်မှာ မိတ်ဆွေများနှင့် အတူ လမ်းလျှောက် လာနေသော လူထု ဦးလှ။ စစ်ကိုင်းကောင်းမှုတော် မုခ်ဝရှေ့ မှ ဒဂုန်နတ်ရှင်၊ ဇ၀န၊ သုခတို့နှင့် လူထုဦးလှ။ ပေါ်ဦးသက်၏ သခင်ကိုယ်တော်မှိုင်း ပန်ချီကားရှေ့မှ မောင်သစ်လွင်(လူထု)၊ ပန်းချီပေါ်ဦးသက်၊ မြဇင်၊ လူထုဒေါ်အမာတို့နှင့် လူထုဦးလှ။

မင်းရှင်၊ သန်းဆွေ၊ မြမျိုးလွင်တို့နှင့် လူထု ဦးလှ။ ပုဂံသရပါတံခါးဝက လူထု ဦးလှ။ မောင်သာနိုး၊ တင်မိုးတို့နှင့် လူထု ဦးလှ။ တောင်မြို့ မဟာဂန္ဓာရုံ ဆရာတော် အရှင်ဇနကာဘိဝံသ၏ ကျောင်းလေးပေါ်မှ လူထု ဦးလှ။ ဦးဆန်းထွန်း (မန်းတက္ကသိုလ်)၊ မင်းကျော်၊ မောင်ဆုရှင်၊ တက်တိုးတို့နှင့် လူထုဦးလှ။
သမိုင်းပါမောက္ခ ဒေါက်တာသန်းထွန်းက သဘောတကျ လှမ်းကြည့်နေစဉ် စိတ်ပါလက်ပါ ဟောပြောနေသော လူထု ဦးလှ။
အမှတ်တရ လက်မှတ်ရေးထိုးပေးနေသော လူထု ဦးလှ။ ဓာတ်ပုံစာအုပ် စာမျက်နှာများကို လှန်လှော မိနေစဉ် မိမိမှာ လူထုဦးလှတို့ နံဘေး ရောက်နေသလို
စိတ်ဝယ်အောက် မေ့နေမိသည်။ ပန်းစကြာ မှန်ပြောင်း ကြည့်နေရသလို အရောင်အသွေး စုံလှသည့် လူထုဦးလှကို မြင်တွေ့နေရ သည်။

၎။
လူပြောသူပြောများဖြင့် လူထုဦးလှ အကြောင်း ဟိုတစ်စ၊ ဒီတစ်စကြား ခဲ့ရစဉ်က လူထု ဦးလှသည် ကိန်းကြီးခန်းကြီး နိုင်သည် ဟူသော စကားပင် ဖြစ်သည်။ လမ်းဘေး လက်ဖက်ရည်ဆိုင် မထိုင်၊ လမ်းဘေး လက်ဖက်ရည် မသောက်၊ မိသားစုနှင့် အတူ စမတ်ကျကျ စားတတ်၊ သောက်တတ်ပြီး ဆေးလိပ်၊ ကွမ်း၊ အရက် ရှောင်ကြဉ်ခဲ့သော သူဟု သိရပြန်သည်။ မိမိတို့က စာရေးဆရာဆိုတာ မျိုးစုံရမည် ဟူသော အထင်မှား မျိုးကို တစ်ချိန်က လက်ခံခဲ့ဖူးသည်။

သို့သော် သူ အင်မတန် ခင်မင်သော စာရေး ဆရာ၊ ဒါရိုက်တာ သုခကမူ ကွမ်းတမြုံ့မြုံ့ အမြဲနေတတ်သည်။ ဦးသုခ ကွမ်းစားတာ မြင်လျှင် ဦးလှက မနှစ်မြို့ အမြဲ ဝေဖန်တတ်သည်။ ကွမ်းယာကုန်လို့ ဦးလှရှေ့များ တစ်ယောက်ယောက် ၀ယ်ခိုင်းရင် “ဟင် ခင်ဗျားဥစ္စာကလည်း”ဆိုပြီး မတင်မကျ စကားမျိုးဖြင့် အပြစ်တင်တတ်သူ ဖြစ်သည်။ ထိုသို့ အပြစ်တင် စကားဆိုခဲ့သူ ဦးလှက တစ်ခါ အမရပူရ မဟာဂန္ဓာရုံ ဆရာတော် အရှင်ဇနကာဘိဝံသ ပျံလွန်တော်မူတော့
“ဈာပန သတင်းကား” ရိုက်ဖို့ ရန်ကုန်ရှိ ဦးသုခကို ဖလင်ပေ ၄၀၀၀ ယူပြီး အမြန်လာခဲ့ဖို့ လှမ်းခေါ်သည်။ ဦးသုခက ဆရာတော်၊ သံဃာတော်ပေါင်း များစွာနှင့် လူပရိသတ် များကို ရိုက်ချက် တစ်ကွက်ပြီး တစ်ကွက် ဖျိုးဖျိုးဖျပ်ဖျပ် စေ့စေ့စပ်စပ် အပြေးအလွှား ရိုက်နေတော့ ဦးလှက သဘောကျပြီး နံဘေးမှ ကြည့်နေခဲ့သည်။ ပြီးတော့ ဦးသုခ ပင်ပန်းတာကိုလည်း သတိပြုမိလာရသည်။ ထိုအခါ ဦးသုခ အနားကို သုတ်သုတ်လေး ပြေးကပ်လာတဲ့ပြီး...
“ကိုသုခရေ ခင်ဗျားဖို့ ကျွန်တော် ကွမ်းယာလေး ပြေးဝယ်လိုက်ဦးမယ်” ဟု ပြောသည့် အခါ ဦးသုခမှာ တအံ့ တသြနှင့်။ ကွမ်းစားတာကို အမြဲဝေဖန် တိုက်ဖျက်နေသော ဦးလှသည် ဦးသုခ ၏ အစွဲအလမ်း ရသ တဏှာကို အလို လိုက်ခွင့်ပြုရုံ သာမက ကလေးသူငယ် များလို သူကိုယ်တိုင်ပင် ပြေးဝယ်ပေး လိုက်ဦးမည်ဟု ဆိုခဲ့ဖူးသည်။

လူထု ဦးလှအပေါ် မိမိ ထင်မြင် ထားခဲ့သော အထင်မှား ကိစ္စ ထိုအကြောင်းဖြင့် ကြေပျက်ခဲ့ရပြီ။ ထို့နောက် လူထုဦးလှ “အားနာပုံကြီး လိုက်ပုံများ”ကို ဆရာတော် ရွှေကိုင်းသား၏ မေ့မရတဲ့ ကိုလှ ဆောင်းပါးထဲတွင် အံ့အားတသင့် တွေ့လိုက်ရသည်။ မြန်မာတွေ အားနာတတ်လိုက် ပုံကတော့ ကိုလှကိုသာ ကြည့်ပေတော့ လို့ ဆရာတော်က ဆိုပြီး သူ့ရင်ထဲမှာ သေရတော့မယ့် ဝေဒနာကြီး ခံစားနေချိန်မှာပင် သူ့ဆီကို ဟိုအဝေးကြီးကနေ လာရသောသူ
(ဂျပန်ဧည့်သည်)ဆိုပြီး အားနာ၍ ကြိုးစားပြီး ဧည့်ခံ နေခဲ့သည်။ မတတ်သာသည့် အဆုံးမှ ပါးစပ်ထဲက သွေးများ အန်ကျပြီး ဧည့်ဝတ်မကျေ သလိုဖြစ်ရသည်။ ထိုကိစ္စ သူ့ကိုပြန်ပြော ခွင့်ရရင် သူ့ဧည့်သည်ကို သူကကောင်း မွန်စွာ ဧည့်မခံရတဲ့ အတွက် “အားနာ လိုက်တာ ခင်ဗျာ”လို့ပြောပြီး တောင်းပန် ဦးမှာ သေချာသည်ဟု ဆိုထားသည်။

ထိုနေ့က ယပ်ဝင်းထဲမှ လူထုမောင်နှံတို့ တရားနာပြီး ပြန်လာစဉ် တိုက်၌ ရပ်ဝေး ဧည့်ရောက်နေသည်ကို တွေ့ရ၏။ ဓမ္မာရုံမှ ပြန်လာစဉ်ကတည်းက ခေါင်းမူးသည်ဟု လူထု ဒေါ်အမာအား ပြောနေသည် ဟုဆိုသည်။ သို့သော် လူထုတိုက်ထဲ ရောက်တော့ ဧည့်သည်မြင်ပြီး သူ့ ဝေဒနာကို ချုပ်တည်း၍ ဧည့်ခံစကား ပြောရင်း ယင်းသို့ ဖြစ်ခဲ့ရရှာသည်။ အလွန်ပင် တစ်ဖက်သား အပေါ်ဝန်တာ ကျေပွန် လွန်းရှာသော လူထု ဦးလှ ပုံရိပ်ကို ရင်နာစွာဖြင့် မြင်လိုက်ရပြန်သည်။

ဖဆပလခေတ် ၀န်ကြီးချုပ် ဦးနုသည် တစ်ချိန်က ဦးလှ အတော် ဒုက္ခရောက် သွားခဲ့ရခြင်း (၁၉၅၃-၅၇ ရန်ကုန် ဗဟို စံပြထောင်မှာ ၃ နှစ် ၃ လနဲ့ ၇ ရက် နေခဲ့ရမှုအပေါ် ဆိုလိုသည်)၏ နံပါတ် ၂ တရားခံသည် သူပါပဲဟု ပြည်ထောင်စု လမ်းသွယ်က ဆောင်းပါး ထဲတွင် ၀န်ခံထားပြန်သည်။ ဦးလှသည် လူကောင်းပါ၊ ဒီလို မလုပ်ကြပါနဲ့ကွာဟု သူတားမယ်ဆိုရင် တားနိုင်ခဲ့သော်လည်း ထိုစဉ် အခါက သူတုံဏှိဘာဝေ လုပ်မိ နေခဲ့သည်။ နောင် ထိုဒုက္ခတွေ ကြားမှ
ဦးလှ လွတ်မြောက်သွားပြီး မကြာခင်ပင် ဦးနု တစ်ယောက် မန္တလေး ခဏ ရောက်သွားခဲ့သည်။ ရောက်ရောက်ချင်းပင် ဦးနုနှင့် ခဏလောက် တွေ့ပါရ စေဆိုသည့် ဦးလှ၏ စာတစ်စောင် ရောက်လာသည်။ အမှန် ဆိုရလျှင် ဦးလှကို တွေ့ရန် ဦးနုမှာမျက်နှာ အင်မတန် ပူနေခဲ့သည်။ သူရောက်လာပြီး “ကိုကြီး နု၊ ကျွန်တော့်ကို ဒုက္ခ ရောက်အောင် လုပ်တာ ကျွန်တော် ၀မ်းနည်းပါတယ်” ဆိုသည့် စကားမျိုး ပြောမည်ဟု တွက်ထားရာ ဦးလှသည် ရောက်လာပြီး ပြန်သာ သွားရော ထိုအကြောင်းနှင့် ပတ်သက်ပြီး တစ်ခွန်း တစ်ပါဒမျှ ပြောမသွားခဲ့ပေ။ ဦးလှ ပြန်သွားမှ ဦးနုသည် တစ်ယောက်တည်း ထိုင်ရင်း “ကိုလှကို ငါ သွားလုပ်မိတာ အင်မတန် မှားတယ်၊ “ကာလ၀ိပါက် နောက်ပိုးတက်တယ်”
ဆိုတာလို ဒီကိစ္စဟာ ဒီလိုနဲ့ ပြီးမှာ မဟုတ်ဘူး။ တစ်နည်းနည်းနဲ့ ငါပြန်ခံ ရလိမ့်မယ်” တွေးရင်း ဦးနုသည် ၀ဋ် ဆင်းရဲတွေရဲ့ဘေးကို မြင်လာပြီး အကြောက်ကြီး သိပ်ကြောက် နေခဲ့မိသည်။

နောက်တစ်ကြိမ် ဦးလှနှင့် ဆုံရင် ဒီအကြွေးကို ငါအတင်း ဆပ်မယ်ဟု ဆုံးဖြတ်ချက် ချလိုက်သည်။ ဤသို့ဖြင့် နောက်တစ်ခါ မန္တလေး ရောက်သွားပြန်
တော့ ပြန်မည့်နေ့မှာ လိုက်ပို့ကြသည့် မိတ်ဆွေများကို နှုတ်ဆက်ရင်း ဘူတာရုံ၏ ထောင့်တစ်ထောင့် ခပ်လှမ်းလှမ်းမှာ ဦးလှ ရပ်နေသည်ကို ဖျတ်ခနဲ တွေ့လိုက် ရသည်။ တွေ့သည်နှင့် တစ်ပြိုက်နက် ဦးလှကို “ကျွန်တော့်ကို ခွင့်လွှတ်ပါ။ ကိုလှ ဒုက္ခရောက်အောင် ကျွန်တော် လုပ်ခဲ့တဲ့ အပြစ်ဟာ မသေးပါဘူး။ အင်မတန် ကြီးမားပါတယ်။ တောင်းပန်ပါတယ်”အစရှိသည့် စကားများကို ပြောရုံမျှနဲ့ အားမရဘဲ နောက်ဆုတ်သွားသည့် ဦးလှထံပါး တဖြည်းဖြည်း တိုးကပ်ပြီး
အတင်း လိုက်ပြောခဲ့သည်။ အစတော့ ဦးလှလည်း အံ့အားသင့်ပြီး ဦးနုကို ကြည့်နေခဲ့မိသည်။ နောက်မှ သတိရ ပြီး...
“ကျွန်တော် သင်ပုန်းချေပြီးပါပြီ၊ ကိုကြီးနု”ဟု ပြန်ဖြေသောအခါမှ ဦးနုသည် ဦးလှ၏ လက်ကို အားပါးတရ ဆုပ်ကိုင် နှုတ်ဆက်ပြီး ထွက်စ ပြုနေသည့် မီးရထားပေါ် ပြေးတက်လိုက်ပါသွားခဲ့ ရသည်။ မိမိသည် ထိုဆောင်းပါးမှ ထို အခန်းလေး ဖတ်မိပြီး တစိမ့်စိမ့် ပြုံးနေမည် ဖြစ်သော လူထုဦးလှ၏ မျက်နှာကို မှန်းဆပြီး မြင်ယောင်လိုက်မိသည်။

၅။
စာကြည့်တိုက်ထဲရှိ ထိုင်နေကျ ခုံလေးမှ အသာအယာ ထပြီး အပေါက်ဝ ဘက်သို့ မျက်နှာ မူလိုက်သည်။ မြက်ခင်းစိမ်း နုလေးပေါ် ဖြတ်လျှောက်ရင်း အကြည့်က ကြာပန်းတွေ ဝေနေသည့် ကြာကန်လေးဘက် အကြည့်တစ်ချက် ရောက်သည်။ သံတံခါးနီကြီး ဆွဲဖွင့်၊ ပြန်စေ့ပြီး ၀င်းကြားထဲရှိ လမ်းသွယ်လေး ထဲမှ ၃၂ လမ်းပေါ်သို့ လှမ်းတက်တိုက် လိုက်သည်။ ခါတိုင်းလိုပါပဲ။


ဇော်ခိုင်ဦး
ရည်ညွှန်းပြု
၁။ လူထုဦးလှစာစုစာရင်း
(မောင်ဖုန်း မြင့်) ၁၉၇၈
၂။ လူထုချစ်သမျှ လူထုဦးလှ
(ပထမတွဲ)
၃။ လူထုချစ်သမျှ လူထုဦးလှ
(ဒုတိယတွဲ)
၎။ လူထုဦးလှ ဓာတ်ပုံများ
Written by ဇော်ခိုင်ဦး
Wednesday, 23 December 2009 08:50
Credit@ရွှေအမြူတေJanuary2010

(ဝထ္ထုတွေ ဆောင်းပါးတွေစဖတ်တက်တည်းကနေ ခုချိန်ထိ သုမောင် ရဲ့စာတွေဆောင်းပါးတွေကို အမြဲဖတ်ဖြစ်တယ်..ကျနော်အကြိုက်ဆုံးထဲမှာလည်းပါတယ်။ငယ်ငယ်ကဆို စာဖတ်ချင်ရင် မိဘဆီကရတဲ့ မုန့်ဖိုးစုပြီးဝယ်ဖတ်ရတယ်။သဘောကျတာလေးတွေ တွေ့ရင်သိမ်းထားချင်လို့ ဒိုင်ယာရီလေးထဲမှာမှတ်ဖြစ်တယ်။နောက်အလုပ်လုပ်ပြီး ငွေတက်နိုင်လာတော့ သဘောကျတဲ့စာအုပ်တွေရင် ဝယ်ပဲဖတ်တော့တယ်။ကိုယ်ဖတ်ချင်တဲ့အချိန်ဖတ်လို့ရအောင်နဲ့စာအုပ်လေးတွေကိုသိမ်းထားချင်တာလဲပါတယ်။ဒိုင်ဟာရီထဲမှာမှတ်ဖို့လည်းးမလိုတော့ဘူးပေါ့။ ၆ နှစ် ၇နှစ်အတွင်းမှာ ဝထ္တုတွေထက် ဆောင်းပါးတွေပဲဖတ်ဖြစ်မိနေတယ်.။ဒီတပတ်ထဲ အွန်လိုင်းမှာ စာတွေပြန်ရှာဖတ်နေမိတယ်.။ကိုယ့်ဘလော့ဂ်ထဲမှာပဲ ကိုယ်ကြိုက်တဲ့ဆောင်းပါးလေးတွေ သိမ်းထားဖို့သွားစိတ်ကူးမိတယ်..။ကိုယ်ကြိုက်တဲ့အချိန်လည်းပြန်ဖတ်လို့ရပြီပေါ့..။)

”သုခသုမောင်စာပေတိုက်ပွဲ”

ကျွန်တော်သည် ဒါရိုက်တာ အကယ်ဒမီ“သာဓု”၏သား ဖြစ်သော်လည်း ဒါရိုက်တာ အကယ်ဒမီ“သုခ”နှင့် ရုပ်ရှင်အလွန် ရိုက်ချင်ခဲ့ပါသည်။
သို့သော် ကျွန်တော် ကိုယ်တိုင် “အကယ်ဒမီ” ရပြီးသည့်တိုင် ဆရာက ခေါ်မရိုက်ခဲ့ပေ။ ထို့အတွက် ဆရာ့အား မကျေမနပ် ဖြစ်နေခဲ့ပါသည်။
သို့သော် တစ်နေ့တွင် “ဆရာ”က ကျွန်တော့်ထံ ကိုယ်တိုင်ကိုယ်ကျ ဖုန်းဆက်ပါသည်။

“ဆရာသုမောင်ရေ ကျွန်တော်ဦးစီးတဲ့ “အမေများ”နေ့အတွက် ကျွန်တော် ရေးတဲ့ “အမေ” သီချင်းကို တီဗွီရိုက်ရင်း သီဆိုဖို့ ဆရာ့ဆီ အကူအညီ
တောင်းတာပါ” ဟူ၍ ဖြစ်ပါသည်။ ကျွန်တော့်မှာ ဘဘအပေါ် စိတ်ကောက် နေသည်များ ပြေပျောက် ရုံမက ကျေးဇူးတင် ၀မ်းမြောက်လျက်
ဘဘ၏ ခဲတစ်လုံး “ငှက်သုံးကောင် ပစ်နိုင်သော “တင်္ခဏုပ္ပတ္တိ” ဥာဏ်ကို ရှိခိုး ပူဇော်မိပါတော့သည်။

“တီဗွီရိုက် သီချင်းဆို” ဆိုသဖြင့် ကျွန်တော့် အား “အဆိုကျော် ရုပ်ရှင်မင်းသား” အဖြစ် ဘဘ သတ်မှတ်တာ သေချာပါပြီ။ ကိုင်း... “ဆရာ သုမောင်” ဟု “အာလုပ်”သုံးလိုက်ပုံက စာရေး ဆရာ အဖြစ် အသိအမှတ် ပြုကြောင်း ပေါ်လွင် နေပြီကောလေ။ (ဦးတင်လျက်)
ကျွန်တော်မှာ ၁၉၇၃(အောက်တိုဘာ)တွင် “ငယ်အိပ်မက်” ၀တ္ထုတို ရှုမ၀မဂ္ဂဇင်း စင်တော် ကောက်အဖြစ် စတင်၍ စာရေးဆရာဘ၀ ရောက်ရပါသည်။ ၁၉၇၅ တွင် မင်းသားဖြစ်ပြီး ၁၉၇၆ ကျမှ အဆိုကျော် ဖြစ်ပါသည်။ စောစောက ပြောခဲ့သလို ရွှေတြိဂံ နယ်မြေမှာ တစ်ပြိုက်နက် ထင်ပေါ်လာခဲ့သော်လည်း ကျွန်တော့်အရင် နှစ်ပေါင်းများစွာ ကျော်၍ ထိုရွှေတြိဂံ အနုပညာ နယ်ပယ်မှာ အောင်မြင် ကျော်ကြားခဲ့သော “ဆရာ သုခ”နှင့်ကား မဆုံစည်းခဲ့ရပါ။ ဆရာ့ကို လူသိ များတာက အကယ်ဒမီ ၇ ဆုရှင် ရုပ်ရှင် ဒါရိုက်တာကြီး ဖြစ်သော်လည်း ဆရာသည် ရုပ်ရှင် သရုပ်ဆောင်လည်း အောင်မြင်ခဲ့ပါသည်။ မင်းသားတော့ မဟုတ်ပေ။ “ဂုဏ်ရည်မတူ” ဇာတ်ကားကြီးတွင် “ပေါက်စီ” “မယ်သုန်” ဟု ဆရာက “ပေါက်စီ”၊ ဒေါ်မေသစ်က “မယ်သုန်” အဖြစ် သူတောင်းစား မောင်နှမအဖြစ် ပီပြင်စွာ သရုပ်ဆောင် နိုင်ခဲ့ရာ ပရိသတ် ပါးစပ်ဖျား “ပေါက်စီ” “မယ်သုန်” ခေတ်စား သွားခဲ့ပါသည်။ အခြားဇာတ်ကားကြီးများတွင်လည်း ဆရာသည် အဓိက ဇာတ်ပို့အဖြစ် ရိုက်ကူး အောင်မြင်ခဲ့ပါ သေးသည်။ သို့သော် ဒါရိုက်တာ ဖြစ်လာသော အခါ ဆရာ့သရုပ်ဆောင်ဘ၀ တိမ်မြုပ်သွားခဲ့ရ ပါတော့သည်။ ဒါသည် သစ်ပင်ကြီးကြောင့် လောင်းရိပ်မိ အပင်ငယ်တို့၏ ညှိုးရော်ရသော သဘာဝပင်။

ထို့ထက်ကား ဆရာသည်လည်း (သာဓု၊ မောင်သင်၊ မြတ်လေး၊ ၀င်းဦး စသည်)တို့ ကဲ့သို့ ရုပ်ရှင်၏ အရှိန်အ၀ါ ကြီးမား အောင်မြင်မှုကြောင့် စာပေဘ၀ အရောင် မှိန်သွားရသည်မှာကား ၀မ်းနည်းဖွယ် ကောင်းလှပေသည်။ တကယ်တော့ ဆရာသည်လည်း အချစ် အိမ်ထောင်ရေး စူပါ စာရေးဆရာကြီး တစ်ဆူ အရင်ဆုံး ဖြစ်ခဲ့ပါသည်။ နောင်မှ ရုပ်ရှင်၊ ပြဇာတ်၊ ဂီတနယ် ၀င်ပါသည်။ ဂီတတွင်လည်း ဆရာသည် တေး သီချင်းအသစ်များစွာ ရေးစပ်သီဆိုခဲ့ပါ သည်။ ဥပမာ ယနေ့တိုင် ပြန်ဆိုမဆုံး ဖြစ်နေသော ဘ၀သံသရာ။

စောစောက ပြောသလို ရုပ်ရှင် (ဒါရိုက်တာ) အဖြစ် သူမတူအောင် ကွယ်လွန်ခါနီးထိ အတုမရှိ ဒါရိုက်တာ ဖြစ်ခဲ့လေရာ ဆရာ၏ သရုပ်ဆောင်၊ ဂီတစာဆို၊ တေးသံရှင်၊ စာရေးဆရာ ဘ၀များ အရောင်မှိန်ခဲ့ရပါသည်။ “အရောင်မှိန်ခဲ့ရ” ဟု လူပြိန်းစကား သုံးရပါသည်။ တကယ်တော့ စာပေသည် စာရွက်ပေါ် မင်စာဖြင့် ပုံနှိပ်ရသော် လည်း ကျောက်ထက် အက္ခရာတင် သကဲ့သို့ နှစ်ပေါင်းများစွာ တင်ကျန်ရစ်သော ဂန္ထ၀င် အနုပညာအမျိုးအစား ဖြစ်ပါသည်။ သို့သော် ခေတ်စကားဖြင့် “စီလီဘရီတီ”တို့ “ပေါ်ပြူလာ”တို့ကဲ့သို့ လူသူပရိသတ် အသိများခြင်း၌ပါးလျား ရသည်ကိုသာ ကျွန်တော်က ယေဘုယျ ဆိုရပါသည်။
ဘာပဲဖြစ်ဖြစ် ဆရာသည် အသက် ရလာသောအခါ “ဂီတ”နှင့် “စာပေ” မူလဘူတဘ၀ကို တတ်အားသမျှ ပြန် ဖော်ပါသည်။ ဓမ္မစာပေတွေ ရေးပါ သည်။ အထူးသဖြင့် စာဆိုတော် ရာသီ ရောက်တိုင်း စာပေ ဟောပြောပွဲများ လိုက်ပါပါသည်။ ထူးခြားသည်က ဆရာ စာပေဟောလျှင် ဆိုင်းဝိုင်းငှား ခိုင်းတတ်ပါသည်။

ဆရာက (ဘ၀ သံသရာ၊ တေဘုမ္မာ) စသော တေးသီချင်းများ၏ စာပေ အနှစ်သာရကို ဂီတဖြင့် သီဆိုတီးမှုတ်ပြရင်း ပရိသတ် ကို “သကြားအုပ် ဆေးခါး”ကျွေးသလို ခေါ်ယူစည်းရုံးခြင်း ဖြစ်ပါသည်။ စာပေ ဟောပြောပွဲ ပရိသတ် ဆိုသည်မှာ အနုပညာပရိသတ် တကာတို့တွင် အမြင့်ဆုံး ဟုဆိုရသော်လည်း ကြိုးကြား ဆိုသလို စာရေး ဆရာတွေ ရယ်စရာ “ဟာသ”ပြောပြ၊ “သီချင်းဆိုပြ” စသည်ကို စိတ်ဝင်စားကြသူများ ပါဝင်တတ် ပါသည်။ (ခုနှယ်ခါ ထိုအစွဲ ပိုကဲနေ ပါသည်။) ဆရာကတော့ သူအကယ်ဒမီ ၇ ဆုရအောင် ပရိသတ်ကို စည်းရုံး နိုင်သော ဥာဏ်စွမ်းရှိသူ ပီပီ ထိုကဲ့သို့ စာပေပွဲမှာ ဆိုင်းဝိုင်း တွဲခြင်း ဖြစ်ပါ သည်။

ရိုးရိုးကြီးဝန်ခံရလျှင် ဆရာ၏ ထိုအပြုအမူကို ကျွန်တော် မနှစ်သက်ခဲ့ရိုးပါ။ (ဟိုစဉ်က ဖြစ်ပါသည်။) ထိုနည်းတူ စာရေးဆရာတွေ သံသေးသံကြောင် ဖြင့် (အချို့လည်းကောင်း ရှာပါသည်။) စာပေပွဲမှာ သီချင်းတွေ အသားလွတ် ဆိုတာ စာပေ ဂုဏ်ပျက်သည် ဟု ကျွန်တော်က လူငယ်ပီပီ အတွေး ဆတ်ပါသည်။ ထို့ကြောင့် ထိုစဉ် (၁၉၇၀/ ၈၀)၀န်းကျင်က စာပေပွဲများသို့ ကျွန်တော်လိုက်ပါ ဟောပြောရာ၌ ဘယ်အခါမျှ သီချင်း ဆိုမပြခဲ့ပါ။ မဆို ရုံမက (ငယ်ဂုဏ်မောက်ပြီး) သီချင်း ဆိုသော စာရေး ဆရာများကို ကျွန်တော် ဒိုင်ခံ ကန့်ကွက်ခဲ့ပါသည်။ စင်မြင့် ပေါ်မှာပင် ပြောင်ပြောင်တင်းတင်း ဘုကန့်လန့်တိုက်ခြင်း ဖြစ်ပါသည်။ ကျွန်တော့်မှာက ပြောအားရှိသည်။ ဟုတ်ပါ့။ ကျွန်တော်က နိုင်ငံကျော် အဆိုတော်တစ်ပိုင်း ဟုတ်လား။ သည် တော့ အနိုင်နှင့်ပိုင်းသော “စာရေး ဆရာ သုမောင်” အား အခြား စာရေးဆရာများ က မချေပနိုင်ရှာ။ ဒါကို အခွင့်ကောင်း ယူပြီး လိုသည်ထက် ပို၍ ဆော်ပလော် တီးတတ်သော ကျွန်တော်မှာ “ဆရာ သုခ”နှင့် စာပေပွဲများမှာ ကြုံလျှင် ငြိမ်ကုပ်နေရပါသည်။ ဆရာသည် ပြောကြ ကြေးဆိုလျှင် ကျွန်တော်၏ အနုပညာ အဘိုး ဟုတ်လား။ ကျွန်တော့် ဖခင် “သာဓု” ထက် သူက စောသည်လေ။

သည်လိုနှင့် မှတ်မှတ်ရရ (၁၉၈၂) တွင် တောင်ဥက္ကလာ (၁၃) ရပ်ကွက်၌ “သုခ”၊ “သုမောင်”၊ “မြတ်ထန်” တို့သုံး ဦးသား ဂိုဏ်းစာပေဟောပြောပွဲ ကျင်းပ ပါသည်။ ဆရာမြတ်ထန်မှာ အသက်ကြီး သော်လည်း စာဝါနုသဖြင့် ရှေ့ဆုံးမှ တက်ဟောရပါသည်။ ပြီးတော့ ၀ါအရင့် ဆုံး ဆရာသုခက ဒုတိယ။ အကြောင်း ကား အဆိုကျော် မင်းသား စာရေးဆရာဟု နာမည်ကြီးနေသော စီလီဘရီတီ “သုမောင်”ကို ဆန်ခံရန် “မျောက်”ပြဖို့ နောက်ဆုံးမှာထားသတဲ့။
သည်လိုနှင့် ဟောကြပြောကြလေ ရာ ဆရာသုခ အလှည့်တွင် ထုံးစံအတိုင်း “တေဘုမ္မာ”နှင့် “ဘ၀သံသရာ”သီချင်း များ၏ စာသားကာရန်၊ အဓိပ္ပာယ်၊ ဓမ္မ ဒဿန စသဖြင့် လေးနက်စွာ ဟောရင်း ပေါ့ပေါ့ပါးပါးလည်း သီချင်း ဆိုပြပါသည်။ အသက်ကြီးပြီမို့ အသံ မရတော့ သော်လည်း အဆိုကောင်းတော့ ပရိ သတ်က သဘော တွေ့ပါသည်။ နော့် သော် သူတို့ မျှော်နေကြတာက “နုနုငယ်ငယ် ဂုဏ်တက်နေသည့်” သုမောင်၏ အဆို။

ဤတွင် ဆရာသည် တေးသီချင်း များသည် စာပေ ၀တ္ထုများထက် ပရိ သတ်ကို ပို၍ ဖမ်းစားနိုင်ကြောင်း၊ သြဇာ ကြီးမားကြောင်း စကားစပ်မိပါ တော့သည်။ သဘောမှာ တေးသီချင်းများ “ပေါက်” ပြီဆိုလျှင် ပရိသတ်က လိုက်ဆိုရုံမက ထိုတေးပါ အကြောင်း အရာကိုလည်း တုပမှီငြမ်းကြတော့ ကြောင်း ဖြစ်သည်။ အလွန်ကောင်းသော ရည်ရွယ်ချက် ဖြစ်ပါသည်။ သို့သော် ဥပမာ ပေးရာ၌ ဆရာသည် ကျွန်တော့်ဘက် လက်ညှိုးထိုးပြီး (ထိုစဉ် က စာရေးဆရာများမှာ စင်မြင့်ပေါ်မှာ ငုတ်တုတ်ထိုင်ကြရသည်။)

“ဟော... ဆရာ သုမောင် ရှေ့တွင်ပဲ သူ့အဖေ ကိုသာဓုရေးတဲ့ သီချင်း တစ်ပုဒ် ဥပမာ ပေးရဦးမယ်ဗျ။ ဘာ တဲ့... “တင့်တင့်တို့အရွယ်” ဆိုတဲ့ သီချင်း “ဒီအရွယ် တင့်တင့်တို့အရွယ် ကျွန်မ ကျွန်မတို့အရွယ် တစ်ဆယ်ကျော် ငါးနှစ်ပတ်လည် ရူးနှမ်းနှမ်းအရွယ်___ အိပ်ချင်ရာအိပ် သွားချင်ရာသွား___ အားအားရှိတော့ အလှပြင်တယ်” တဲ့။ “အကယ်၍သာ” ဆိုတဲ့ သူရိုက်တဲ့ ဇာတ်ကားမှာ မြတ်မွန် ဆိုတာပေါ့။ ဟာ... တစ်နိုင်ငံလုံး ဟိုးဟိုးကျော် သွားတဲ့ သီချင်းဗျ။ လူကြီးလူငယ် ကျား၊ မ မရွေး အားအားရှိ လိုက်ဆိုရ တဲ့ ခေတ်စားတဲ့သီချင်း ဆိုပါတော့ ဗျာ... အဲ အဲ ပြဿနာက စောစောက ကျွန်တော်ဆိုသလို ဆိုကြည့်စမ်းဗျာ။ အပျိုမတမ်းကလေးတစ်ယောက် အိပ် ချင်ရာအိပ်၊ သွားချင်ရာ သွားဆိုတော့ စဉ်းစားသာ ကြည့်ကြပါတော့(ပရိသတ် လက်ခုပ်သံများ) (သုမောင် အခံရခက် မျက်နှာအောက်ဝှက်) သီချင်းပေါက် တော့ လူငယ်တွေ လိုက်ဆို၊ ပြီးတော့ လုံမငယ်တွေ လိုက်တု၊ မခက်လားဗျာ။ ဒါကြောင့် ဂီတဟာ ပရိသတ်ကိုစည်း ရုံးရာမှာ လက်နက်ကောင်း။ သတိထား သင့်တယ်” စသ ဖြင့် ရိုးရိုးသားသား ဝေဖန်အကြံပြု ပြောကြားသွားရှာပါ တယ်။ နော့ပေတည့် ခလုတ်က ထိတာ “အမိ” မဟုတ် “အဖ” ဖြစ်နေလေရာ ကျွန်တော့်မှာ မခံချိမခံသာပေါ့။ ပြီးတော့ ကျွန်တော့် ရှေ့ထားပြီး ကျွန်တော့်အဖေ ဝေဖန်တာဆိုတော့ ကျွန်တော့်မှာတာဝန် ရှိလာပါပြီ။ ဒါ့ပြင် နောက်ဆုံးမှပြောရ မှာမို့ တစ်ပန်းသာသည်။ ပိတ်တွယ်ရုံ ပေါ့။ ကျွန်တော် တေးမှတ်ထားလိုက် တော့သည်။
ရောက်ပါပြီ ကျွန်တော့် အလှည့်။ ပရိသတ်ဆိုတာ လက်ခုပ်သြဘာ မိုးလုံး ညံပေါ့။ နုနုနယ်နယ် အရွယ်ကောင်း နာမည်ကြီးဆိုတာက တစ်ပိုင်း၊ စော စောက ဆရာ“သုခ” ကျွန်တော့် “အဖေ” ကို တွယ်ထားတာ ဘာပြန်ပြောမလဲ၊ ဘာသီချင်းတွေဆိုမလဲ... ပေါ့လေ။

ကျွန်တော်ကလည်း ဒေ၀ဒတ်ထုံး နှလုံးမူပြီး စကားလုံး “ကျောက်မောင်း” ဆင်ပြီးသားဖြစ်၏။
“လေးစားရပါသော စာပေ ၀ါသနာရှင်များခင်ဗျား...” အစချီပြီး ဘာမျှ နိဒါန်း မပျိုးဘဲ (ဆရာသုခရဲ့သြ၀ါဒတွေ ကောင်းကြောင်း ချီးမွမ်းရသည်။ ဒါမှ မြှောက်ပြီးရိုက်တဲ့ ဘော်လီဘောလို ကျွန်တော့်ရိုက်ချက် ပိုပြင်းမှာကိုး။)

“ဆရာကြီး ဘဘဦးသုခက ကျွန်တော့် ဖခင်ရေးတဲ့ တင့်တင့်တို့ အရွယ် သီချင်း ဆိုပြတာလည်း ကောင်းပါ့၊ ရှင်းပြတာလည်း သူ့အဆိုအတိုင်း (စာသားအတိုင်းကော) ဟုတ်ပါလိမ့် မယ်။ နော့ပေတဲ့ ဆရာများ အသက်ကြီး လို့ မကြားတကြား အမှတ်သညာတွေ မှားသလား မသိဘူး။ တကယ်က ကျွန်တော့်ဖခင် သာဓု ရေးတဲ့ အဲဒီ သီချင်းထဲက စာသားက “အိပ်ချင်ရာ အိပ်... သွားချင်ရာသွား...” မဟုတ် ရပါ ခင်ဗျာ။ “အိပ်ချင်ရင် အိပ်... ထချင်မှထ”ပါ။ အပျိုဖြန်း မတမ်းမလေး ဆိုတာက အိပ်ချင်တဲ့ အချိန် အိပ်လိုက်မှာပဲ၊ ထချင်တဲ့ အချိန်မှ ထလာ မှာပဲဆိုတဲ့ ကလေးစိတ်မကုန်သေးတာ ကို ဆိုတာပါ။ ဆရာ ဘဘဆိုပြတာနဲ့ အဓိပ္ပာယ်ကွာပါတယ်။ (လက်ခုပ်သံ များ) စသဖြင့် ငယ်ဂုဏ်မောက်တဲ့ ဒေ၀ဒတ် ၀င်စားသူ သုမောင် ပြန်တွယ် ပါလေရော။ ပရိသတ်ကလည်း တသောသော။ ဒါနဲ့ မကျေသေးဘူး။ လူ့သဘာဝ နိုင်ရင် ဖိတွယ်တတ်သည့် အတိုင်း။

“အသက်ကြီးလို့ အသံတွေ တုန်နေတဲ့ ဘိုးဘိုးကြီး ဆရာသုခ သီချင်းတွေ ဆိုပြတာ ပညာရပေမယ့် မြန်မာ ပြည်မှာ အသံဘုရင် အခေါ်ခံရတဲ့ သုမောင် စာပေပွဲမှာယောင်လို့မှ သီချင်း မညည်းဘူးဆိုတာ ကတိပေးသဗျ” ဆိုပြီး အလင်္ကာရသ နှောလို့ ဆရာ့ကို သာသာလေး ကောမိပါတယ်။ ဆရာ့ လှည့်ကြည့်တော့ ကွမ်းကလေးဝါးပြီး ခေါင်းတညိတ်ညိတ်နဲ့ပါ။ ဆရာ မြတ်ထန်ကတော့ အားနာတာလား၊ သူရို့လူကြီးချင်း “မှတ်ပလား” ဆိုတဲ့ သဘောနဲ့လား၊ ကျီစယ်ပြုံးလို့။

ဒီတွင် အကောင်းအဆိုး တစ်ခုခု ဖြစ်လာရင် သာရာဘက်က ဖိထောင်း တတ်တဲ့သဘာဝ၊ အနုပညာတစ်ခုခု အောင်မြင်လာရင် နောက်ဆက်တွဲတွေ ထပ်လုပ်တတ်တဲ့ သဘာဝက သုမောင် ဆိုတဲ့ မနူးမနပ် စီလီဘရီတီလေးကို မြှောက်ထိုးပင့်ကော် လုပ်ချပါလေရော။
“ပရိသတ်များခင်ဗျာ တကယ် တော့ စောစောက ဓမ္မ သီချင်းတွေနဲ့ တရား ပြသွားတဲ့ ဘဘဦးသုခရဲ့ အကျော်ကြားဆုံး သီချင်းတစ်ပုဒ်ကို ကျွန်တော့်ရဲ့ ကိုင်စွဲထားတဲ့ စာပေ မူဝါဒကို ဖောက်ဖျက်ပြီး နည်းနည်း သီဆိုပြပါမယ်။ (လက်ခုပ်သြဘာသံ များ) ဘာတဲ့... “စိတ်ညစ်လို့ အရက်ကို သောက်တယ်___အရက်သောက်တော့ စိတ်သိပ်ညစ်တယ်___လူမှာသာ ငွေ မရှိရင် လင်ယူမိတာ နာတယ်ထင်တယ် ___ငွေကိုသာ ရေလိုသုံးရင် တစ်ပြည် လုံးမှာ လုပ်သမျှတင့်တယ်___လမ်း လယ်မှာဆဲဆဲ လူကိုတွဲလို့ အိမ်ထဲခေါ် မယ်___ ပါတဲ့ ခင်ဗျာ”
စသဖြင့် ပီသကြည်မြတဲ့ သုမောင် ရဲ့ဂီတနဲ့ ဖျော်ဖြေရင်း ဆရာ့ကို ခပ်ပြင်း ပြင်းနင်းပြောမိပါရော။

ဟောပြောပွဲပြီးတော့ တစ်လမ်းစီမို့ ဆရာက သီးသန့်ပြန်ပါတယ်။ ဆရာ မြတ်ထန်နဲ့ ကျွန်တော်က ကားတစ်စီး ပါ။ အဲဒီမှာ မထိတ်သာ မလန့်သာ စကားတစ်ခွန်း ဆရာမြတ်ထန်က ပြော ပါတယ်။ “ကိုသု... နည်းနည်းများ ဒေါသ သံ ပါသလားလို့” တဲ့။ ဆရာဟာ စစ်ဗိုလ်လူထွက် စာရေး ဆရာပေမယ့် စကားပြော အလွန်နူးညံ့ပါတယ်။ (စကားမစပ် ကျွန်တော် ခဲလုံးကန်တာ နာမည်ကြီးသွားတဲ့ နှောင်းတမြေ့မြေ့ဟာ ဆရာမြတ်ထန်ရဲ့ နိုင်ငံကျော် ၀တ္ထုပါ။)
ဘာပဲဖြစ်ဖြစ် ကျွန်တော်ကတော့ စာပေ ဘိုးအေကြီး လူလယ်ခေါင် တီး လိုက်ရလို့ စာပေပွဲမှာ သီချင်း မဆိုသော်လည်း အပြန် လမ်းမှာတော့ စိတ်ညစ်လို့ အရက်ကိုသောက်တယ် ဆရာသုခ သီချင်းလေး ညည်းနေမိပါသည်။ (အရက်ကလည်း တကယ်သောက်ထား မင့်ဟာကိုး။)

မြတ်စွာဘုရားဟော ကံအကျိုးပေး ၀ဋ်လည်ခြင်း ဆိုသည်မှာ ဘ၀ မကူးခင်မှာတွင် တစ်ပတ်လည်ရုံမက တောင် ဥက္ကလာစာပေပွဲအပြီး တစ်လအကြာမှာ (ထိုသုံးယောက်အတွဲပါပဲ။) မဂိုလမ်း (ယခု ရွှေဘုံသာလမ်း)မှာ စာပေဟော ပြောပွဲ ပြန်ဆုံပါသည်။ ကျွန်တော်သည်ကား ငမိုက်သား ငရဲလားမည့် ဒေ၀ ဒတ်ဝင်စားသူပီပီ ကျောက်မောင်း ကြိုတင်ချည်ထားလေသည်။ ဘာပဲဖြစ်ဖြစ် ဆရာသုခ ကျွန်တော့်ကို ပြန်ချေပ သို့မဟုတ် လှုပ်မရအောင် တုပ်တော့ မည်ဟု။ ဒါဆို ငါ ဘာပြန်ဖြေမလဲပေါ့။

သို့သော် ဆရာကြီးသည် ထိုပွဲမှာ ပထမဆုံး စဟောပါသည်။ ထုံးစံ အတိုင်း ဓမ္မသီချင်း ရှင်းတမ်းတွေ ဟောရင်း ဆိုရင်းပေါ့။
အဆုံးသတ်နိဂုံးတွင်မူ...
“ပရိသတ်များခင်ဗျား ပြီးခဲ့တဲ့ လက ကျွန်တော်တို့သုံးယောက်အတွဲ တောင်ဥက္ကလာမှာ ဟောကြပါသေး တယ်” အစချီပြီး ကျွန်တော်နှင့် အချီ အချဖြစ်ပုံကို ရိုးရိုးစင်းစင်းကြီး ပြန် ရှင်းပြပါသည်။ ထို့နောက်
“ဒါကြောင့် စာရေးဆရာတွေဟာ အရေးပါတာပါ။ အသက်ကြီးတာ ငယ်တာနဲ့ မဆိုင်ပါဘူး။ စာရေးဆရာမှာ ရာထူးကြီးငယ် မရှိပါဘူး။ အပွင့်အခက် မရှိပါဘူး။ ဦးနှောက်နဲ့ နှလုံးသား အားကောင်းရင် စေတနာမှန်ရင် စာရေး ဆရာချင်းပေမယ့် လေးစားပြီး နာယူ ရပါမယ်။ ခုနက တောင်ဥက္ကလာပကိစ္စ ပြီးကတည်းက ကျွန်တော်ဟာ ဆရာ သုမောင်ရဲ့စကားကို လေးလေးစားစား နာယူပြီး နောင်ဟောပြောပွဲတွေမှာ သူ့ အဖေ ကိုသာဓုရဲ့သီချင်းကို ဆိုမပြ တော့ပါဘူး။ ဟုတ်ပါ့၊ ကျွန်တော့် စာသား မှားတာကိုး။ နော့ပေတဲ့ ဆရာ သုမောင်ထောက်ပြသလို ပွဲတိုင်းမှာ ကျွန်တော့်ရဲ့ အမှားကြီးမှားခဲ့တဲ့ ဂုဏ် ဆိုတဲ့ နာမည်ကြီး ဂုဏ်ပြုသီချင်း အဲ... လူငယ်တွေကို အရက်သောက်အောင် အားပေးရာ ရောက်စေတဲ့ ကျွန်တော့် သီချင်းကိုတော့ အစအဆုံး ဆိုပြပြီး ကျွန်တော့်အမှားတွေကို ၀န်ခံနေပါ တယ်။ ရှေ့လည်းဆက်ပြီး ၀န်ခံဦးမှာပါ ပဲ။ အထူးသဖြင့် ငယ်ပေမယ့် စေတနာ ကြွယ်တဲ့ ဆရာ သုမောင်ကိုတော့ ဒီစင်မြင့်ပေါ်မှာပဲ ပရိသတ်ရှေ့ သက် သေထားပြီး ဂါရ၀ပြုပါရစေ ခင်ဗျား” ဆိုပြီး (ဆရာ့ရဲ့ လက်သုံးပုံစံ ဂါရ၀ ထုံးစံအတိုင်း ကျွန်တော့်ဘက်လှည့် လက်အုပ်ချီ ရှာပါသည်။)
ပရိသတ်မှာ ရွှေဘုံသာ လမ်းကြီး အပြည့် နံဘေး တိုက်တန်းတွေပေါ်ကလည်း ညွှတ်လို့။ အားလုံး ငြိမ်ကျသွား ပါတော့သည်။ ဆရာသည် ပြောပြီးပြီး ချင်း ထုံးစံအတိုင်း ကွမ်းကလေးမြုံ့ပြီး နားနေရာဆောင်ဆီ ထွက်သွားပါတော့ သည်။

ထိုညက နောက်ဆုံးမှ ဟောနေကျ ပွဲတိုင်းကျော် နာမည်ကျော် အပြောကောင်း အဆိုကောင်း သုမောင်ကြီး ကလေး ကောင်းစွာ မဟောနိုင်တော့ပါ။ ရှက်ခြင်း၊ ၀မ်းနည်းခြင်းများကြောင့် မဟုတ်ပေ။ တရားရခြင်းနှင့် အတူ နောင်တကြီးစွာ တမိခြင်းကြောင့် စကားတွေ မမှားသော်လည်း အသံတွေကား မမှန်ပါတော့ချေ။ ဟုတ်ပါ့၊ ပြောရင်းမှာ ပင် ကျွန်တော် မျက်ရည်ကျနေပြီ ကြောင့်ပါ။ မျက်ရည်ကျတာ လူမြင်ရုံရှိ သည်။ အသံ မမှန်တာက သရုပ်ပျက်လှ သည်။ ဟုတ်ပါ့၊ ဘာစကားပြောပြော ဟာသနှောတောင် ကျွန်တော့်အသံမှာ ငိုသံပါကြီးနှင့်ပါတကား။

သုမောင်
မှတ်ချက်။ ။ စာရေးဆရာသေရင် နတ်ပြည်ရောက်သတဲ့။ စာရေးဆရာကြီး ဦးရန်အောင်၏ မှတ်ချက်စကား။
သြော်... ခုနှယ်ခါ တာဝတိံသာ (စာဝတိံသာ)မှာ ဆရာသုခနှင့် ဆရာ သာဓုတို့ ကိုယ့်ဘုံနှင့်ကိုယ် စံနေကြ ရော့မည်။ ဘုံချင်းကတော့ အလှမ်းကွာ ပေလိမ့်မည်။ နတ်“သုခ” ဘုံက ဘုရား ရှင်၏ “ဆံတော်မြတ်စေတီ” နှင့် နီးပေ လိမ့်မည်။ နတ်“သာဓု” ဘုံကတော့ ၀ိ သကြုံနတ်၏ဘုံနှင့် ကပ်လျက်ဖြစ်လိမ့် မည်။ (ဆရာသာဓု၏ သီးခြားဝါသနာ မော်တော်ကားပြင်ခြင်း ဖြစ်သဖြင့် ၀ိသကြုံနတ်မြင်းလှည်း သူပဲ ဒိုင်ခံပြင် နေမှာကိုးလေ။)
အဘိုးနှင့် အဖေတို့၏ သားမြေး စာရေးဆရာစစ်စစ် ဖြစ်သွားပြီဖြစ်သော သုမောင်။
(ဆရာသုခ ရာပြည့်အကြို)

သုမောင်


Written by သုမောင်
Wednesday, 23 December 2009 09:26
Credit@ ရွှေအမြူတေမဂ္ဂဇင်း January 2010

FW mail နဲ့ရောက်လာတဲ့ဆောင်းပါးလေးပါ။ ရေးတဲ့သူဘယ်သူဆိုတာတော့ ပါမလာဘူး။

ကုသိုလ် ဥစ္စာ၊ ကျန်းခံ့သာ၍၊
ပညာ တန်ခိုး၊ တမျိုးမျိုးမှ၊
အကျိုးမထွက်၊ ထိုနေ့တွက်၊
သက်သက် ၀မ်းနည်းဘွယ်။

ဤကား ပညာရှိတို့၏ မိန့်ကြားချက်တည်း။ လိုက်နာဘွယ် မှတ်သားဘွယ်ဖြစ်၏။ တနေ့တာအတွက်ကိုပင် အကျိုးထွက် မထွက် ” တနေ့တာစစ်တန်း”ထုတ်ကြည့်ရန် အလေ့အထကို ပေးအပ်ခဲ့ကြခြင်းဖြစ်သည်။

လူ့ဖြစ်ဘ၀တွင် ဘယ်လိုမှ အသက်ရှင်ရကျိုးနပ်မည်နည်း။ အချို့ကား ထမင်းနပ်မှန် စားနေရလျှင် အသက်ရှင်ရကျိုးနပ်သလောက် ထင်မှတ်နေကြသည်။ ဤမျှလောက် ထင်မှတ်နေကြသည်။ ဤမျှလောက်ဖြင့် အသက်ရှင်ရကျိုးနပ်သည်ဆိုလျှင် လူ့ဘ၀သည် ဘာမျှ အဖိုးမတန်တော့ပေ။ ဘာမျှလည်း အဓိပ္ပါယ်ရှိတော့မည် မဟုတ်ပေ။

၁၉၆၄-ခုနှစ်က ကမ္ဘာ့ငြိမ်းချမ်းရေး နိုဗယ်ဆုရှင်ဆုကြီးကို ချီးမြှင့်ခံရသော ဒေါက်တာ မာတင်လူသာကင်းကား “လူ့ဘ၀မှာ အသက်ရှည်ရှည်နေသွားရဘို့ထက် အသက်ရှင် ခိုက်မှာ ဘ၀ကိုတန်ဖိုးရှိရှိ အသုံးချသွားနိုင်ဘို့က ပိုအရေးကြီးပါတယ်။ နိုင်ငံနဲ့ လူမျိုးအတွက် ဆောင်ရွက်ရင်း သေရခြင်းဟာ အမြတ်ဆုံးသေခြင်းဖြစ်ပါတယ်”ဟု ကြွေးကျော်ခဲ့လေသည်။

ခုတလောမေးလ်ထဲကို ဦးကျော်သူရဲ့အကြောင်းလေးတွေ Forward မေးလ်နဲ့ဝင်လာတယ်..။ကျနော်လည်း ဦးကျော်သူနဲ့ပတ်သတ်ပြီး .ဦးကျော်သူဘာတွေ လုပ်နေလဲဆိုတာ စိတ်ဝင်စားမိနေတာ။ ဦးကျော်သူရဲ့ပို့စ်လေးဆိုတော့ မြင်တာနဲ့ဖွင့်ဖတ်လိုက်တယ်။ သဘောလဲကျမိတာနဲ့ ကျနော်ရဲ့ဒိုင်ယာရီထဲမှာ ရေးထည့်လိုက်မိတယ်.။

ဗုဒ္ဓဘာသာ မြန်မာလူမျိုးများသည် ရတနာသုံးပါးကို ကြည်ညိုလေးစား ဦးခိုက်ကြသော်လည်း ကံနှင့် ပတ်သက်၍ ယုံကြည်မှု အားနည်းမှုများကို တွေ့ရသည်။ ဗုဒ္ဓမြတ်စွာ ဘုရားရှင်သည် ကောင်းတာလုပ် ကောင်းကျိုးပေးမည်၊ မကောင်းတာလုပ် မကောင်းမှုများ အကျိုးရမည်ဟူ၍ ဟောကြားခဲ့တော်မူသည်။ မိမိ၏ ကံသာလျှင် မိမိ၏ ကိုယ်ပိုင်ပစ္စည်း၊ ကိုယ်ပိုင်ဥစ္စာများဖြစ်သည်။
ကောင်းကျိုး၊ ဆိုးကျိုး တို့သည် ကံတရားပေါ်၌သာ တည်လေသည်ဟူ၍ မြတ်စွာဘုရားရှင်၏ ဒေသနာတော်များရှိခဲ့သည်။
သို့သော် . . . . .''ဟာ ... မင်းတို့က တတ်လည်း တတ်နိုင်ရဲ့သားနဲ့၊ ပိုက်ဆံလည်း ရှိသားနဲ့ ဘာလို့ ဒီနာရေး ကူညီမှု အသင်းကိုမှ သွားပြီး အကူအညီ တောင်းရတာလဲ'' ဘာဖြစ်လို့ ကိုယ်ပိုင် အခေါင်း (Coffin) နဲ့ မီး မသဂြိုလ်တာလဲ''စသည် ... စသည် စကားသံများ၊ တီးတိုး သံများသည် ကျွန်တော့် အဒေါ်ဝမ်းကွဲတော် သူ၏ နာရေးကိစ္စတွင် အဒေါ်၏ သားဖြစ်သူ၊ ကျွန်တော်၏ ညီဝမ်းကွဲအား သူတို့၏ ပတ်ဝန်းကျင် အသိုင်းအဝိုင်း တစ်ချို့မှ ပြောကြားလိုက်သော စကားရပ်များပင် ဖြစ်တော့သည်။ ကျွန်တော်၏ ညီဝမ်းကွဲမှ ကျွန်တော့်အား ပြန်လည်၍ ပူဆွေးသောက အပူမီးများထဲမှ အားယူကာ တီးတိုး ပြန်လည် ပြောပြ၍ ကျွန်တော် သိလိုက်ရခြင်းပင်။

ဤတွင် ကျွန်တော့်တွင် ရှင်းပြရန် တာဝန်ရှိလာသည်။ ကျွန်တော့် ကိုယ်ပိုင်ဉာဏ်၊ ကိုယ်ပိုင် အသိနှင့် ရှင်းပြသည်ထက် ကျွန်တော်တို့၏ ခေါင်းဆောင်ကြီးဖြစ်သော၊ ကျွန်တော်တို့ ကြည်ညို လေးစားသော မန္တလေးမြို့၊ ဗြဟ္မစိုရ်ကျောင်းတိုက် ဆရာတော်ကြီး မဟာဓမ္မကထိက ဗဟုဇန ဟိတဓရ ဘဒ္ဒန္တတိက္ခ ဟောကြားခဲ့သော ယဿ သတို့သား တရားတော်ထဲမှ လူများ အယူသီး ပုံများ၊ အစွဲကြီးပုံများ၊ တလွဲ ဆံပင် ကောင်းမှုများကို ထုတ်နှုတ် ရှင်းပြ ပါမည်။

ဆရာတော်ကြီးသည် ဤယဿ သတို့သား အရဟတ္တဖိုလ်တည်ခန်း တရားတော်ကို အမျိုး၊ ဘာသာ ၊ သာသနာ အတွက် ဟောကြား ခြင်းပင်ဖြစ်သည်။ ဗုဒ္ဓဘာသာ မြန်မာ လူမျိုးများသည် ရတနာ သုံးပါးကို ကြည်ညို လေးစား ဦးခိုက်ကြသော်လည်း ကံနှင့် ပတ်သက်၍ ယုံကြည်မှု အားနည်း မှုများကို တွေ့ရသည်။ ဗုဒ္ဓမြတ်စွာ ဘုရားရှင်သည် ကောင်းတာလုပ် ကောင်းကျိုး ပေးမည်၊ မကောင်းတာ လုပ် မကောင်းမှုများ အကျိုး ရမည် ဟူ၍ ဟောကြား ခဲ့တော်မူသည်။ မိမိ၏ ကံသာလျှင် မိမိ၏ ကိုယ်ပိုင် ပစ္စည်း၊ ကိုယ်ပိုင် ဥစ္စာများဖြစ်သည်။ ကောင်းကျိုး၊ ဆိုးကျိုး တို့သည် ကံတရား ပေါ်၌သာ တည် လေသည် ဟူ၍ မြတ်စွာ ဘုရားရှင်၏ ဒေသနာ တော်များရှိခဲ့သည်။

သို့သော် လူအများစုသည် နာရေး ကိစ္စများတွင် အယူသီး ကြသည်။ နာရေး ကိစ္စကြောင့် စီးပွား ပျက်တယ်၊ လူသေ တတ်တယ်၊ ထိခိုက် နစ်နာမယ်၊ ပျက်စီး ဆုံးရှုံး တတ်တယ်၊ နိမိတ် မကောင်းမှုတွေ ဖြစ်စေတယ် ... စသည် ... စသည်ဖြင့် ဘိုးဘေး ဘီဘင် လက်ထက်ကတည်းက အယူ သီးမှုများ၊ အရိုး စွဲမှုများ၊ အမှား စွဲများ ရှင်သန်လာခဲ့သည်။

ယနေ့ခေတ် လူ တော်တော် များများသည် အဆင်း၊ အနံ့၊ အသံ၊ အရသာ၊ အတွေ့အထိ ဟူသော အာရုံ ငါးပါးထဲတွင် နစ်မွန်း နေကြကာ မိမိကိုယ်ကို မိမိတို့ သုဘ (သို့မဟုတ်) မင်္ဂလာဟု ထင်နေ ကြသည်။ မြင်နေကြသည်။ အမှန် စစ်စစ် ရှင်သူ၊ သေသူတို့ အားလုံးသည် အသုဘ (သို့မဟုတ်) အ မင်္ဂလာများသာ ဖြစ်တော့သည်။ အဘယ်ကြောင့်ဆိုသော် မိမိတို့အားလုံး ရေမချိုးဘဲနှင့် ရက်ပေါင်း (နှစ်ဆယ်) ခန့် နေကြည့်သော် မိမိတို့ ခန္ဓာမှ အပုပ်နံ့များ တထောင်းထောင်း ထွက်နေတော့မည်။ ရုပ်တရား၊ နာမ်တရား အားလုံးသည် အသုဘ ချည်းပင် ဖြစ်တော့သည်။ မည်သည့်အရာမှ တည်မြဲမှုကို မဆောင်နိုင်ချေ။

မြတ်စွာဘုရားရှင်သည် လူများ ၉၆ ပါးသော ရောဂါ ဖြစ်ပွားရခြင်းနှင့် ပတ်သက်၍ ရှေးယခင်ကာလ ကမ္ဘာဦးစ ကာလတွင် လိုချင်တပ်မက်မှုကြောင့် ဖြစ်ပေါ်သောရောဂါ၊ ဆာလောင်မွတ်သိပ်ခြင်းကြောင့် ဖြစ်ပေါ်သော ရောဂါ၊ အိုမင်းရင့်ရော်မှု ရောဂါ ဟူ၍ သုံးမျိုး သာရှိခဲ့သည်ဟူ၍ ဟောကြား ခဲ့သည်။ ဤတွင်မှ တိရစ္ဆာန်များကို သတ်ဖြတ်စားသောက်ခြင်းမှ အစပြု၍ ရောဂါ ၉၆ ပါးတို့သည် လူတို့တွင် ဖြစ်ပေါ်လာရတော့သည်။

မြတ်စွာဘုရားသည် လူမသာကို အိမ်ထဲသို့၊ ရပ်ကွက်ထဲသို့ သွင်းရာ၌ 'ခိုက်သည်' ဟူ၍ မဟောကြားခဲ့ပါ။ အမှန်စင်စစ် တိရစ္ဆာန်မသာ (ဥပမာ - ကြက်၊ ဝက်၊ ပုရစ်...) ကို ဝမ်းဗိုက်အတွင်းသို့ သွင်းမှသာ ခိုက်မည်ဖြစ်သည်။ ဒူလာ အညောင်းရောဂါသည် သည် ကြက်သားစားကြည့်၊ သွေးတိုးရောဂါရှိလျှင် ဝက်သာ စားကြည့်၊ ပုရစ်စား ကြည့်လျှင် သေသည် အထိ ခိုက်မည် ဖြစ်သည်။ ဦးနှောက်သွေးကြော ပြတ်၍ သေသည် အထိ ခိုက်မည်ဖြစ်သည်။ ဤတွင် မြတ်စွာဘုရား၏ အယူနှင့် လူအတော် များများ၏ အယူတို့သည် ဆန့်ကျင်ဘက် ဖြစ်နေတော့သည်။

ဆုံးပါးသွားတဲ့ လူမသာကို အိမ်ထဲ မသွင်းကောင်းဘူး၊ အိမ်ရှေ့က မဖြတ်ရဘူး၊ အိမ်ပေါက်ဝက မထုတ်ရဘူး ဟူ၍ အယူသီးမှုများနှင့် ရှုပ်ထွေး နေတော့သည်။ ရွာ အပြင်ဘက်တွင် သေလျှင် ရွာထဲ မသွင်းရဘူး၊ အရပ် အပြင်ဘက်တွင် သေလျှင် အရပ် ထဲ မသွင်း ကောင်းဘူး။ သွင်းလျှင် ရွာ နာတယ်၊ အရပ် နာတယ်၊ အိမ်သူ အိမ်သားတွေ ခိုက်တယ် ဟူ၍ မည်သည့် ကျမ်းဂန်တွင်မှ မပါရှိပါ။ သို့သော် အားလုံး အားလုံး နီးပါး အယူသီးမှုက စိုးမိုး လွှမ်းခြုံမှုကို ခံနေရသည်။

ဤသို့ဆိုလျှင် မနက်တိုင်း မနက်တိုင်း အိမ်ရှင်မများ ဈေးမှ အပြန်ကို ကြည့်လိုက် စေချင်သည်။ ခြင်းတောင်းလေးနှင့် ဈေးဝယ် ပြီး ပြန်လာ သည့်အခါတွင် ခြေထောက်လေး နှစ်ချောင်းကို ဈေးခြင်းတောင်း အတွင်းမှ အပေါ်ပေါ်အောင် ဟင်းသီးဟင်းရွက်များကို အောက်မှ ခုကာ ပြန်လာပုံကို တွေ့ကြရမည်ဖြစ်သည်။ ဤ ခြေထောက်ကား ကြက်၊ ဝက် စသည့် တိရစ္ဆာန်၏ ခြေထောက်ပင်။ ဤသို့သော ကြက်၊ ဝက်၊ ဆိတ်၊ ငါး စသည့် တိရစ္ဆာန် မသာပေါင်းစုံတို့ကို မိမိတို့အိမ်တွင်းသို့ ဂုဏ်ယူဝင့်ကြွားစွာ သွင်းကြသည်။ အဆုံးစွန်ဆုံး မြွေ မသာ လည်းသွင်း၊ ပုရစ်မသာ လည်းသွင်း၊ ဖား မသာလည်း သွင်းကြတော့သည်။

'လူမသာတော့ မသွင်းဘူးတဲ့' လူသေလျှင် အိမ် နောက်ဘေး သယ်သွား၊ ပြီးရင် တံစက်မြိတ် ရေ လက်ပြန် ရေနှင့် ရေချိုးပေး၊ ဆပ်ပြာတိုက်၊ ရေသုတ်၊ အဝတ်အစား ဝတ်ပေး၊ သနပ်ခါး လိမ်း၊ ဆံပင် ထုံးပေး၊ နှုတ်ခမ်းနီ၊ ပါးနီ ဆိုးပေး၊ နှင်းဆီပန်း ပန်ပေးနှင့် စသည့်ဖြင့် သေသွားမှ ကြင်နာပြ၊ ဂရုစိုက်ပြ နေကြ တော့သည်။ အလောင်း လှအောင် လုပ်တာတဲ့၊ ပြုံးပြုံးလေး သေမှ အလောင်းလှတာတဲ့။ နောက်မှ ခေါင်း ကဆံပင်ကို ဖြတ်ပြီး ခြေထောက် နှစ်ချောင်းကို တုပ်တော့သည်။ ဘာဖြစ်လို့လဲ မေး ကြည့်တော့သူ့ကို အိမ်မှာ နှစ်ညတောင် သိပ်ထားရဦးမှာတဲ့။ သေတာတောင် အချုပ်အနှောင် ခံရတဲ့ ဘဝ၊ အမှန်စင်စစ် တရားလေး တွေ့ပြီး ပြုံးပြုံးလေးသေမှ အလောင်းလှမည်ဖြစ်သည်။

ယခုမူ ဈေးမှ သယ်လာသော တိရစ္ဆာန် မသာများကို အိမ်ထဲသွင်း၊ မီးဖိုချောင်ထဲ သယ်၊ ရေဆေး၊ ဓားသွေး၊ ခုတ်ထစ် ပိုင်းဖြတ်၍ ချက်ပြုတ်၊ စားပွဲပေါ် တင်ကာ မိသားစု ဝိုင်းဖွဲ့ပြီး စားသောက်ကြသည် မဟုတ်ပါလား၊ အရိုးကိုပင် နူးနေအောင်လုပ်ပြီး စားကြသည်။ ပါးစက်ထဲ ညက်ညက် ကြေအောင်ဝါး၊ မျိုချ၊ ဝမ်းဗိုက်ထဲသို့ ရောက်သွားတော့သည်။ ဤနေရာတွင် လူ့ဝမ်းဗိုက်သည် တိရစ္ဆာန်တို့၏ သင်္ချိုင်းပင်၊ လူ့ပါးစပ်သည် တိရစ္ဆာန်တို့၏ မီးသင်္ဂြိုလ်စက်ပင်ဖြစ်တော့သည်။ တိရစ္ဆာန်မသာကျတော့ ဝမ်းဗိုက်ထဲသို့ ထည့်ပြီး လူမသာ ကျတော့ အိမ်ထဲသို့ပင် အသွင်းမခံမှုတို့သည် အဆိုးဝါးဆုံးသော အယူသီးမှု။ မိစ္ဆာဒိဋ္ဌိ အယူဝါဒမှ ဆင်းသက်လာမှုပင် ဖြစ်တော့သည်။

တစ်ဖန် လူသေ ပါးစပ်ထဲသို့ ငွေတစ်မတ် ထည့်ခြင်းသည် ''ကူးတို့ခ'' ဟု ဆိုကြပြန်သည်။ လူသေ အသက်မရှိသော ခန္ဓာသည် ငွေတစ်မတ်နှင့် မည်သည့် ကားကို စီး၍ ရမည်နည်း။ အချို့သော သူတို့က ပါးစပ်ထဲမှ ငွေတစ်မတ်ကို နှိုက်ယူ ပြန်သည်။ Lucky ကောင်းတယ်တဲ့၊ ငွေပွားတယ်တဲ့၊ နောက် နာရေး မော်တော်ယာဉ်လည်း ရောက်ရော ခြေက မထုတ်ရဘူး၊ ခေါင်းက မထုတ်ရဘူး၊ တံခါးဘောင်နဲ့ မထိရဘူး၊ အိမ်နံရံနဲ့ မထိရဘူး၊ လှေကားက မဆင်းရဘူးနှင့် ''ဘူး'' များ ပဲ့တင် ထပ်လျှင်ပင်၊ နောက်ကြေးစည်ထု၊ ကနဖျင်း ဖျက်ခြင်းများ ပြုလုပ်တော့သည်။

ရေအိုးခွဲ လိုက်ခြင်းသည် သေသူအား အိမ်သို့ ပြန်မလာ နိုင်အောင် အိုးစား ခွဲခြင်းဟု ဆိုသော်လည်း မော်တော်ယာဉ်ပေါ်သို့ တင်သောအခါ ခေါ်မသွားရဘူး၊ ပစ်သွား ပြီလား ဟူ၍ ငိုကြ ယိုကြ နှင့်ပင်၊ အယူအစွဲ၊ အယူသီးမှုတို့နှင့် ဆန့်ကျင်ဘက် လုပ်ရပ်များပင်၊ သုဿာန်တွင် ဝေငှသည့် ယပ်တောင်၊ လက်ကမ်းစာစောင်မှ အစ အကုန်ယူကြသည်။ သေသူ၏ ပုဆိုး၊ လုံချည်၊ အင်္ကျီ၊ ခုတင်၊ ခြင်ထောင်၊ မွေ့ရာများကို ဘုန်းကြီးကျောင်းသို့ ပို့ခြင်းသည် အိမ်မှာ ခိုက်မှာ စိုး၍ ဖြစ်သည်ဟု ယူဆကြသည်။ ကန့်လန့်ကာ (ခန်းဆီး)ချုပ်၍ ဦး/ဒေါ်... ဘယ်သူ၏ ကောင်းမှုဟု စာတမ်းထိုးကာ ဘုန်းကြီးကျောင်း မျက်နှာစာအောက်မှာ ကုသိုလ်ရအောင်ဆွဲပေး၊ ချိတ်ပေးရန် တောင်းဆို လျှောက်ထားကြသည်။

အိမ်တွင် ခိုက်မှာ စိုး၍ ဟု ဆိုကြသည်။ ဤသို့ဆိုလျှင် ဘုန်ကြီးကျောင်းများ၊ ဘုန်းကြီးများ ကျတော့ ခိုက်ချင် ခိုက်ပါ စေဟူသော သဘောများ လားဟု စဉ်းစားမိပြန်သည်။ ဤကဲ့သို့ ခိုက်မှာကို ကြောက်ကြလျှင် သေဆုံးသွားသူ၏ လက်စွပ်၊ လက်ကောက်၊ ဆွဲကြိုး စသည်တို့ ဘယ်များ ရောက်ကုန်ပြီလဲ၊ ဘုန်းကြီးကျောင်းသို့ ခိုက်မှာစိုးလို့ဟူ၍ ပေးပို့လှူဒါန်းခြင်းကို မမြင်မိချေ။

ရပ်ကွက်ထဲတွင် ဆုံးပါးသွားပါက နာရေးမော်တော်ယာဉ်ကို 'ဒီဘက်က မထွက်ရဘူး၊ ဟိုဘက်က ထွက်' ဆိုတဲ့ စကားမျိုး ရပ်ကွက်တိုင်း လိုလိုတွင် အစဉ်ကြားရမြဲ၊ အဘယ်ကြောင့်ဆို ဒီဘက်အခြမ်းက သေသူတွေ များနေလို့ဗျာ၊ ကဲ .. အဲဒါဆိုရင်တော့ ဒီတစ်ခါ ဟိုဘက်က လူတွေ သေစေလိုတဲ့ သဘောလားဗျာ၊ အကယ်၍ များ ဒီဘက်ကလည်း အထွက်မခံ၊ ဟိုဘက်ကလည်း အထွက် မခံခဲ့လျှင် မည်ကဲ့သို့ သင်္ဂြိုလ်မည်နည် ဟု စဉ်းစားစေချင်သည်။

ဤသို့သော အစွဲအလမ်း၊ အယူသီးမှုတို့ကြောင့် ရှေးယခင်ကတည်းက မြန်မာလူမျိုးများတွင် 'နာရေး ကူညီမှုအသင်း' ဟူ၍ မရှိခဲ့ခြင်းပင်။ အမှန်မှာ ဈာပန ပြချသည့် အလုပ်သည် အမှန်တကယ် မြင့်မြတ်သော အလုပ်ပင် ဖြစ်သည်။ အနိမ့်ကျဆုံးသော ကုသိုလ်အလုပ်သည် မြင့်မြတ်သော ဖြူစင်သော စိတ်ဓါတ်ရှိသူတို့၏ အလုပ်ပင် ဖြစ်တော့သည်။ ဆင်းရဲ ဒုက္ခရောက်နေသူတို့အား သနားညှာတာ ရိုင်းပင်းကူညီ သူတို့ပင် ဖြစ်တော့သည်။ သူတစ်ပါး၏ ဒုက္ခကို ကယ်တင်သူတို့ အလုပ်သည် နာရေးကူညီမှု အသင်း၏ လုပ်ရပ်ပင် ဖြစ်တော့သည်။

ဤသည်ကို ဂုဏ်မရှိသော အလုပ်၊ ခိုက်သည့်အလုပ်... ဟူ၍ အယူသီး ကြသည်။ သုဘရာဇာဟူ၍ ခေါ်ကြသည်။ မေးချင်၊ ခေါ်ချင်၊ ဆေးဖော် ကြောဖက်ပင် မလုပ်ချင်ကြပေ။ ဤသည်မှာ တရားသဘောနှင့် ဝေးစွာ အယူ သီးကြခြင်းပင် ဖြစ်တော့သည်။ မြန်မာလူမျိုးများသည် လူအယောက် ၁ဝဝ တွင် ၉ဝ ခန့်ရှိသည်။ ဥပမာ - အလောင်း တစ်လောင်းအတွက် ကုန်ကျစရိတ်မှာ ငါးထောင်ကျပ် ကုန်ကျမည်ဆိုလျှင် အလောင်း ၂ဝ တွက် ငွေတစ်သိန်း ကုန်မည်။ တစ်နှင်လျှင် ၃၆၅ သိန်း ကုန်ရမည် ဖြစ်သည်။ ဤသို့ တစ်နှစ်လျှင် အနည်းဆုံး ၃၆၅ သိန်းဝင်မည့် ကုမ္ပဏီများ၊ ဖက်စပ် လုပ်ငန်းများ မရှိနိုင်၊ မည်သည့် ကုမ္ပဏီလုပ်ငန်းမှ ဤသို့ မမြတ်နိုင်။

သို့သော် ကျွန်တော်တို့သည် ဤသို့ မြေမြှုပ်ခ၊ မီးသင်္ဂြိုလ်ခ များယူ၍ ဘဝကို ရပ်တည်ကြသော သူများမဟုတ်၊ မိမိ ဝမ်း တစ်ဝမ်း မိမိရှာဖွေစားသောက်ရင်းနှင့် စေတနာ့ ဝန်ထမ်း အခမဲ့ ကုသိုလ် ယူနေ ကြသူများပင် ဖြစ်သည်။ ကျွန်တော်တို့၏ နာရေးကူညီမှုအသင်းကြီးသည် လူမျိုး၊ ဘာသာမရွေး၊ ဆင်းရဲ-ချမ်းသာမရွေး ခုနှစ်ရက် သားသမီးတို့၏ နာရေး ကိစ္စ အဝဝကို အခမဲ့ ကုသိုလ်ဖြစ် လုပ်ဆောင်ပေးနေသော အသင်းအဖွဲ့ပင် ဖြစ်သည်။ ဤကဲ့သို့ အခမဲ့ သယ်ယူပို့ဆောင်ပေးခြင်း၊ အခမဲ့ ကုသိုလ်ယူခြင်း၊ အခမဲ့ နာရေးကူညီခြင်း လုပ်ငန်းများတွင် အယူသီးမှုများ၊ အစွဲ မှားမှုများ၊ မိစ္ဆာဒိဋ္ဌိ အယူဝါဒများသည် အတားအဆီး၊ အနှောင့်အယှက်၊ အဟန့်အတားများ ပင် ဖြစ်တော့သည်။

ထို့ကြောင့် 'လူ့ဘုံ ထုထုံးစံ၊ ကဲ့ရဲ့ဒဏ်ဖြင့်၊ ရန်မာန် ပိတ်သည်း၊ ခရီးခဲ၌၊ စိတ်ဇွဲ သန်သန်၊ နောက် မပြန်ဘဲ၊ ရဲမာန် ရဲဆေး၊ ရဲ စိတ် မွေးလျက်၊ ရဲသွေး နီနီ၊ စီရရီဖြင့် ဦးတည်မပျက်၊ ရှေ့သို့ဆက်လော'့ ဟူသော မဟာဂန္ဓာရုံ ဆရာတော်ဘုရားကြီး (အမရပူရ)၏ သြဝါဒ ဆုံးမစာအရ ကျွန်တော်တို့သည် ကျွန်တော်တို့၏ အနှောင့်အယှက်၊ အတား အဆီးများဖြစ်သော အယူသီးမှု၊ အစွဲအလန်း၊ မိစ္ဆာဒိဋ္ဌိ အယူဝါဒများကို ဖြူစင် သန့်ရှင်း ထက်မြတ်သော တရား ဓမ္မတည်းဟူသည့် ဓားဖြင့် ခုတ် တန်ခုန်၊ လှီး တန်လှီး၊ ဖြတ် တန်ဖြတ်၍ ခုနှစ်ရက်သားသမီးတို့၏ နာရေး (လူမှုရေး) တို့ကို ရိုးမြေကျသည် အထိ ရဲစိတ်၊ ရဲမာန်မွေးကာ ပန်းတိုင် ရောက်သည် အထိ ရှေ့ဆက် လျှောက်လှမ်းတော့မည်ဟု သံဓိဋ္ဌာန် ချမှတ်လိုက်သည်။

(ခုတ်မယ်၊ ထစ်မယ်၊ ပါးပါးလှီးမယ်။)

ဒီဓါတ်ပုံလေးကို မြင်မိရင် အရင်ကအကြောင်းလေးတွေကို သွားသတိရမိတယ်။သတိရစရာ အပေါင်းအသင်းတွေကိုလည်း သွားသတိရမိတယ်။ ၁၉၉၈ ခုနှစ်ကအဖြစ်လေးကိုပေါ့။ အဲဒီအခါ မရှိတော့တဲ့ ကိုမြင့်ကို(မြင့်ကိုလေး.မြေထဲ) ဆိုတဲ့ စာရေးဆရာ ဓါတ်ပုံဆရာကို ပိုပြီးသတိရမိတယ်..ဒီပုံလေးရိုက်ဖို့ စိတ်ကူးမိတာက ကျနော်.ရိုက်ပေးတာက သူရိုက်ပေးတာ..ပုံကူးတာဆေးတာကတော့ ကျနော်ကိုယ်တိုင်ပဲ လုပ်ခဲ့တာ..။သူက ကျနော်ရဲ့ဆရာဆိုလည်းဟုတ်..အကိုဆိုလည်းဟုတ်.သူငယ်ချင်းလိုပဲ..။အသက်ကတော့ ၁၀ နှစ်ကျော်ကွာပေမယ့် တကယ်ညီအကိုလိုပဲ..။၁၉၉၈ ခုနှစ် လတစ်လက မှတ်မှတ်ရရ ကျနော်မဂ္ဂဇင်း တစ်အုပ်ဌားလာတယ်..အဲဒီထဲမှာ မန္တလေးသိန်းဇော်ရဲ့စတီဒီယို သီချင်းခွေကြော်ငြာပါလာတယ်..သူအင်တာဗျူးရောပါ..သူ့ဓါတ်ပုံလေးတွေရောပဲ ဖော်ပြထားတယ်..သူရိုက်ထားတဲ့ အဖြူအမဲနဲ့အခုလို အရိပ်လေးနဲ့ပုံလေးကို သဘောသွားကြမိတာ..ခုကျနော်ရိုက်ထားတာနဲ့မတူပါဘူး..အလင်းအမှောင်လေးတော့ အဲလိုလေးပဲ..အဲဒီအချိန်က ကျနော်ကဓါတ်ပုံပညာဝါသနာပါလို့ လေ့လာသင်ယူနေတုန်း..ကြည့်နေတုန်း ကိုမြင့်ကို အိပ်ယာကနိုးလာတယ် .ကောင်တာကိုလာထိုင်တယ်.အံဆွဲကိုဖွင့်တယ်.အရက်သန့်ဘူးလေး ထုတ်ပြီး တစ်ငုံထုတ်သောက်လိုက်တယ်.နောက် လူပျံတော်ပတ္တမြားသွေးဆေးဘူးလေး ထုတ်လျက်လိုက်တယ်.(ခုချိန်ထိ ကျနော်မြင်ယောင်နေတဲ့ သူပုံစံလေး..သူက အရက်ကြိုက်တယ် အရက်နဲ့ပဲ ငယ်ငယ်ရွယ်ရွယ်နဲ့ လူလောကကြီးကိုစွန့်ခွာသွားခဲ့တယ်)..ဒီပုံလေးဘယ်လိုရိုက်ရလဲ ဆိုတာမေးမိတယ်.."ညီ ဒါပုံရိုက်တာမခက်ဘူး လွယ်လွယ်လေး".သူကရိုက်ပုံရိုက်နည်းလေးရှင်းပြတယ်.အလင်းအမှောင် ဆလိုက်ဘယ်လိုထိုးရတယ် ဆိုတာရော သေချာရှင်းပြတယ်..သူက "ကဲလာ ညီညီ မင်းကို စမ်းရိုက်ပြမယ်" လို့ဆိုပြီး ကင်မရာပုံထဲက ကင်မရာလွယ်လိုက်တယ်..ကျနော်ကို မီးချိန်ခိုင်းတယ်..ပြီးတော့ ရှင်းပြတယ်..ကျနော်လဲ ကင်မရာရှေ့မှာထိုင်ပြီး "ကဲရိုက်ဗျာ ကိုမြင့်ကို"လို့ ပြောလိုက်တယ်(ပြုံးတောင်မပြုံးဖြစ်လိုက်ဘူး)။..ဂျပန်ထုတ် Manual Nikon ကင်မရာရဲ့ ရိုက်တဲ့အသံလေးကိုကြားလိုက်ရတယ်..ခုချိန်မှ ဟိုးအရင်တုန်းက အမှတ်တမဲ့လေးက အမှတ်တရလေးဖြစ်နေမိတာ ကို ပြန်ပြောင်းသတိရမိတယ်..
(ကိုကြီးကိုမြင့်ကို(ပန်းကြာညို ဓါတ်ပုံတိုက်) အားအမှတ်တရ..

ကိုယ်ရည်ကိုယ်သွေး စကားလုံးကို အင်္ဂလိပ်စာလုံး (Personality) ဘာသာပြန်ထားခြင်း ဖြစ်သည်။ သူ့ရဲ့မှုရင်းစကားလုံးမှာ ဂရိစကားလုံး(Persona) ဖြစ်၏ ။ ကိုယ်ရည်ကိုယ်သွေးကောင်းသူ ဖြစ်လိုပါက စိတ်ရောကိုယ်ပါ ထက်သန်ရသလို ဇွဲသတ္တိ ၀ီရိရလည်း ကောင်းကြရလေသည်။
ကိုယ်ရည်ကိုယ်သွေး ကောင်းသူတို့ရဲ့ဘ၀ဟာ အတက်အကျ အလှည့်အပြောင်း မမြန်တက် တည်တည်ငြိမ်ငြိမ် ဣနြေ္ဒရရ ရှိနေတက်သည်.။ ကိုယ်ရည်ကိုယ်သွေးကောင်းသူသည် ရဲ့ဝံ့ခြင်းဂုဏ်ရှိသည်။ သူသည် အတက်ပညာ အသိပညာ စွမ်းရည်သတ္တိ ဂုဏ်ထူးများ ရှိထားသဖြင့် ယုံကြည်မှု့အပြည့်အ၀ ရှိထားသူဖြစ်သည်။
ပညာရှိယွန်းက (Jung) က ကိုယ်ရည်ကိုယ်သွေးနှစ်မျိုး ..
အတွင်းစွဲ(Introveert)
အပြင်စွဲ(Exctravert)..ဟုဆိုသည်။

တည်တံ့သော အတွင်းစွဲတစ်ဦး၏ စရိုက်..
(၁)အေးဆေးသည်။
(၂)သတ္တိရှိသည်။
(၃)စဉ်းစားတွေးခေါ်တက်၏
(၄)ငြိမ်းချမ်းသည်။
(၅)မိမိကိုယ်ကို ထိန်းသိမ်းသည်။
(၆)ယုံကြည်စိတ်ချသည်။
(၇)ညီမျှသောစိတ်ရှိသည်။
(၈)တည်ငြိမ်ခြင်းရှိသည်။

မတည်တံ့သော အတွင်းစွဲတစ်ဦး၏ စိတ်မှာ..
(၁)စိတ်လှုပ်ရှားလွယ်သည်။
(၂)စိတ်ပှုပင်တက်သည်။
(၃)တင်းမာ၏။
(၄)အဆိုးမြင်ဝါဒရှိ၏။
(၅) ဘာမဆို အရေးကြီးသည်လို့ယူဆ၏။
(၆)မြုံထားတက်၏။
(၇)အပေါင်းအသင်းနည်း၏။
(၈)ငြိမ်သက်၍ စကားနည်း၏။

တည်တံ့သောအပြင်စွဲတစ်ဦး၏ စရိုက်
(၁)ခေါင်းဆောင်စိတ်ရှိသည်။
(၂)အပူအပင်ကင်းသည်။
(၃)ရွှင်လန်းတက်ကြွသည်။
(၄)ကြောင့်ကြမဲ့နေထိုင်သည်။
(၅)တုံပြန်တက်သည်။
(၆)စကားများသည်။
(၇)အပြင်သို့ထွက်လေ့ရှိသည်။
(၈)ဆက်ဆံရေးကောင်းပြီး မိတ်ဆွေများသည်။

မတည်တံ့သော အပြင်စွဲတစ်ဦး၏ စရိုက်
(၁)တက်ကြွသည်။
(၂)အကောင်းမြင်ဝါဒ ရှိသည်။
(၃)အပြောင်းအလဲမြန်သည်။
(၄)စိတ်မထိန်းနိုင်။
(၅)ပေါက်ကွဲလွယ်သည်။
(၆)ခက်ထန်ကြမ်းကြုတ်သည်။
(၇)ဂနာမငြိမ်တက်။
(၈)စိတ်ဆိုးလွယ်၏။

လောက၌ ကိုယ်ရည်ကိုယ်သွေး ကောင်းလျှင်ကောင်းသလို မကောင်းလျှင်မကောင်းသလို တိုးတက်ကြ ဆိုးယုတ်ကြသည်။
(သုတေသီဘုန်းမြင့်သွေး ၏စာစုမှကောက်နူတ်ဖော်ပြသည်)

၁၉၅၅-ခုနှစ်လောက်မှာအင်အားကြီးနိုင်ငံများဖြစ်ကြတဲ့အမေရိကန်နှင့် ဆိုဖီယက်ယူနီယမ် စတဲ့နိုင်ငံတွေဟာ အာကာသကိုစိုးမိုးရန်အတွက် အထူးကြိုးစားလာခဲ့ကြပါတယ်။ ၁၉၅၇-ခုနှစ်မှာ ဆိုဖီယက်နီယမ်က ကမ္ဘာ့ဂြိုလ်ပတ်လမ်းကြောင်းမှာ စပွန်းနစ် ဆိုတဲ့ဂြိုလ်တုကို အောင်မြင်စွာလွတ်တင်နိုင်ခဲ့ပါတယ်။ အဲ့ဒီအဖြစ်အပျက်တွေကို စိုးရိမ်မူနှင့် အမေရိကန်ကလည်း ARPANet (Advanced Research Projects Agency) အဖွဲ့ကို ဖွဲ့စည်းပြီး နည်းပညာသစ်များရှာဖွေရေး အာကာသဖွံ့ဖြိုးတိုးတတ်ရေး ဆက်သွယ်ရေးနှင့် စစ်ရေးအစီအမံများကို ကြိုးစားအကောင်အထည်ဖော်ရေး စတဲ့ဆုံးဖြတ်ချက်တွေကိုချမှတ်ခဲ့ပါတယ့်။ အဲ့ဒီအချိန်တုံးက တစ်ဦးချင်းအသုံးပြုနိုင်တဲ့ ကွန်ပျူတာဆိုတာနောင်အနာဂတ်မှာ ဖြစ်လာနိုင်မယ်လို့ထင်ရတဲ့ အိမ်မက်မျှသာရှိပါသေးတယ်။ကွန်ပျူတာချိတ်ဆက်မူ နည်းပညာရပ်များကို အမျိုးမျိုးလေ့လာစမ်းသပ်ရင်း ၁၉၆၉-ခုနှစ်မှာ သက္ကသိုလ်ကြီးလေးခုမှ ကွန်ပျူတာစက်လေး လုံးကိုချိတ်ဆက်ချင်ဖြစ် ARPANet ကိုအကောင်အထည်ဖော်ဆောင်ရွက်နိုင်ခဲ့ပါသည်။ ကွန်ပျူတာတွေအချင်းချင်း သတင်းအချက်အလက်တွေကို ပေးပို့နိုင်ဖုိ့အတွက် မက်ဆာချူးပြည်နယ် ကင်းဘရစ်တက္ကသိုလ်မှ ကွန်ပျူတာ သိပ္ပံပညာရှင် Ray Tomlinson က အီလက်ထရွန်းနစ်မေးစနစ်ကို ချိတ်ဆက်ပြသခဲ့ပါတယ်။ သူဟာe-mial အသုံးပြုတဲ့အခါမှာတော့ e-mail သင်္ကေတလေးကို@ (at) လို့သတ်မှတ်ခဲ့ပါတယ်။ပထမဆုံးသတ်မှတ်ချက် အခန်းဆစ်ခုတည်းမှာ ချိတ်ဆက်ထားခြင်း LAN (Local Area Network) ဖြင့်စတင်ခဲ့ပြီး တစ်ခန်းနှင့်တစ်ခန်း တစ်မြို့နှင့်တစ်မြို့ တစ်နိုင်ငံနှင့်တစ်နိုင်ငံစတဲ့ ချိတ်ဆက်မူတွေကို စမ်းသပ်အောင်မြင်ခဲ့ပါတယ်။ Local အဆင့်မှGlobal အဆင့်ထိအောင် (International Network) ချိတ်ဆက်ရင်း အင်တာနက်ဟာ ကျယ်ပြန့်လာခဲ့ကြပါတယ်။ပထမဦးဆုံး စီးပွားရေးလုပ်ငန်းရှင်များ ချိတ်ဆက်အသုံးပြုမှုနယ်ပယ်ဖြစ်တဲ့ ( . com ) ဆိုတဲ့နယ်ပယ်(domain) ကိုစတင်ပြီး မှတ်ပုံတင်ခဲ့ပါတယ်။၁၉၈၁-ခုနှစ်မှာတော့IBM ကုမ္ပဏီက ပထမဆုံးသောလူတစ်ဦးချင်းသုံးကွန်ပျူတာကိုထုတ်လုပ်နိုင်ခဲ့ပါတယ်။ ၁၉၈၆-ခုနှစ်မှာ တပ်ဆက်ချိတ်ဆက်သူ ၅.၀၀၀ ၁၉၈၇-ခုနှစ်မှာ ချိတ်ဆက်သူ ၁၀.၀၀၀ ရှိလာပါတယ်။ ၁၉၈၉-ခုနှစ်မှာတော့အင်တာနက်ချိတ်ဆက်သူ တစ်သိန်းဖြစ်လာခဲ့ပါတယ်။ အင်တာနက် ပေါ်မှာ မိမိလုပ်ငန်းနှင့်ပတ်သတ်မှု (webside)တွေကိုသွားရောက်ယူဆောင်ပေးတဲ့Browser တွေပေါ်ပေါက်လာပါတယ်။ ပထမဆုံးBrowser ကတော့Netscape ဖြစ်ပြီး အဲ့ဒီဟာကို Jim Clark နှင့် Marc Andreesen တို့ က ပြုလုပ်ခဲ့ကြပါတယ် webside တွေမရေတွက်နိုင်အောင်များပြားလာတဲ့အတွက်လည်း Search Engine တွေထပ်ပြီး ပေါ်ပေါက်လာကြပါတယ် “ Yahoo” Search Engine ကို စတင်းဖို့ဒ် တက္ကသိုလ်ကျောင်းသား David Filo နှင့် JERRY Yan တို့ကတီထွင်ခဲ့ပါတယ်။ ၁၉၉၁ ခုနှစ်မှာတော့ စားသားတစ်နေရာကို နှိပ်လိုက်ရုံနဲ့ နောက်ထက်စာကိုဖော်ပြပေးတဲ့ Gopherp စနစ်ပေါ်ပေါက်လာပါတယ်။ ၁၉၉၆-ခုနှစ်မှာတော့ ၄၅သန်းမျှသောကမ္ဘာသူ ကမ္ဘာသားတွေဟာ အင်တာနက်ကို ကျယ်ကျယ်ပြန့်ပြန့် အသုံးပြုနေကြပါပြီအင်တာနက်ချိတ်ဆက်အသုံးပြုသူများလာတာတဲ့ အလျာက် Google, MSM ,Altavista စတဲ့ Search Engine တွေလာ်း ပေါ်ပေါက်လာပါတယ် ၂၀၀၀-ခုနှစ်နောက်ပိုင်းမှာတော့ အင်တာနက်ကို တစ်ကမ္ဘာလုံး ကျယ်ကျယ်ပြန့်ပြန့် အသုံးပြုလာခဲ့ကြပါတယ်။ မိမိသိလိုတဲ့ အကြောင်းအရာ ဘာမဆိုကို ကွန်ပျူတာရှေ့မှာတင် တစ်ထိုင်တည်းနဲ့သိရှိနိုင်ပါပြီ၊ ကမ္ဘာကြီးရဲ့ ဘယ်နားမှာဘဲရောက်နေရောက်နေ ဘယ်သူတွေနဲ့ဘယ်လောက်ပဲဝေးနေဝေးနေ အခုကျွန်တော်တို့အတွက်တော့နီးနီးလေးပါပဲ။ ကမ္ဘာကြီဟာ ဘယ်အခြေအနေရောက်နေတယ်ဆိုတာ အင်တာနက်အသုံးပြုသူတွေကတော့ သိနေကြပါပြီ။..
[သူရအောင် ရဲ့ Using Email & internet စာအုပ်မှဗဟုသုတရစေရန် တင်ပြသည်။]

ကျွန်ုပ်။ ။ (6)ဂဏန်းဟာ ထူးခြားတယ်ဗျ။ (1) ကနေ (9)အတွင်းမှာ ရှိတဲ့ ဂဏန်းအားလုံးထဲမှာ “အငြိမ်သက်ဆုံး” ဂဏန်းတစ်ခုလို့ ဆိုရမယ်ဗျ။ကိုသိန်းဖေ။ ။ အဲဒါ ဘာကို ဆိုလိုတာလည်း ဆရာ။ကျွန်ုပ်။ ။ ဒီလိုဗျ ကိုသိန်းဖေ ရ။ ကျွန်တော်က လက်တွေ့သမားဆိုတော့ လူ့လောကထဲမှာ လွှားလွှား , လွှားလွှားနဲ့ ထင်ပေါ်ကျော်ကြားနေသူတွေ၊ လူသိများနေသူတွေကို လေ့လာကြည့်လိုက်တော့ (4)ဂဏန်းသမားတွေက အများဆုံးဖြစ်နေတာကို သွားတွေ့ရတယ်ဗျ။ သူ့နောက်မှာ (1)ဂဏန်း၊ (2)ဂဏန်း၊ (5)ဂဏန်း၊ (7)ဂဏန်း နဲ့ (9)ဂဏန်းသမားတွေ လှုပ်ရှားနေကြတယ်ဗျ။ အဲဒီအထဲမှာ (6)ဂဏန်းသမားတွေဟာ ပျောက်,ပျောက် နေတာကို သွားတွေ့ရတယ်ဗျ။ကိုသိန်းဖေ။ ။ (6)ဂဏန်းသမားတွေ အမွေးနည်းပြီး လူဦးရေ နည်းလို့များဆရာ။ကျွန်ုပ်။ ။ ဒီလိုတော့ မဖြစ်နိုင်ဘူးဗျ။ ဖြစ်ရတဲ့ အကြောင်းကတော့ သူတို့ရဲ့ စရိုက်ကြောင့်ဘဲဗျ။ (6)ဂဏန်းသမားတွေဟာ အေးချမ်းငြိမ်သက်စွာ နေလို သူတွေ ဖြစ်တယ်။ မေတ္တာတရားကြီးမားကြတယ်။ သူ့ဟာသူထင်ပေါ်ကျော်ကြားလာရင်တော့ ကျော်ကြားမယ်။ ကျော်ကြားမှုကို လုပ်မယူတတ်ကြဘူး။ ခေါင်းဆောင်နေရာကို အတင်းလု မယူလိုကြဘူး။ ကျရာ တာဝန်ကိုဘဲ ထမ်းချင်ကြတယ်။ လူတွေက ခေါင်းဆောင်နေရာတင်ပေးမှ လုပ်ချင်လုပ်မယ်။ ဒါကြောင့် သူတို့ကို ထင်ထင်ပေါ်ပေါ် သိပ်မတွေ့ရတာဘဲဖြစ်တယ်။ နောက်တစ်ခုက (6)ရယ်၊ (15)ရယ်၊ (24)ရယ် ဂဏန်း (၃)မျိုးရှိတဲ့အထဲမှာလည်း တစ်ခုနဲ့ တစ်ခုဟာ သိပ်မဆင်တူကြဘူးဗျ။ သီးခြား ဂုဏ်အင်္ဂါ စရိုက်တွေ ရှိနေကြတာကိုလည်း သွားတွေ့ရတယ်။

ဒီမနက် အိပ်ရာကစောစောထ ဖြစ်တယ်..သွားတိုက် မျက်နှာသစ်ပြီး..ကွန်ပျူတာဖွင့် ..ပြီးတော့ ဒီနေ့ မွေးနေ့ဆိုတော့ ဘယ်သူများမေးလ်ပို့ထားမလဲ ပေါ့..ဂျီမေးလ်ထဲမှာ ကျနော်ရဲ့အမရင်းတစ်ယောက်လို မိတ်ဆွေကောင်းတစ်ယောက် လိုခင်ရတဲ့.မမ..စာပို့ထားတာတွေ့တော့..ချက်ချင်းပဲဖွင့်ဖတ်မိတယ်..မမ ကမွေးနေ့လဲ ဆုတောင်းပေးရင်း..မမက မိဘမွေးကျေးဇူးကို ကန်တော့ဖို့ပြောရင်း..မမလဲ သူ့ရဲ့ဖေဖေကိုသတိရမိတဲ့ အကြောင်းပါ ရေးထားတယ်..ကျနော် အမှတ်တရလေးဖြစ်သွားအောင် ဒီဘလော့လေးထဲမှာ ..ပြန်ရေးလိုက်မိတယ်..မမဖေဖေ ရေးခဲ့တဲ့ ကိုယ်ပိုင်ကျင့်စဉ် ဆိုတဲ့ စာလေးကိုလဲ သဘောကျလို့ပေါ့..

ညီ
မမ အဖေက ၀တ္ထုတိုလေးတွေရေးတဲ့ စာရေးဆရာတစ်ယောက်ပေါ့၊ ကဗျာလေးတွေလဲ ရေးတယ်၊ ခုလဲ မမ အဖေရဲ့စာအုပ်လေးတစ်အုပ်ထဲမှာ တွေ့တဲ့ မိမိကိုယ်ပိုင်ကျင့်စဉ်ဆိုတဲ့ စာသားလေးတွေကို ဖတ်ကြည့်ပြီး သဘောကျလို့ ညီ့ကိုလဲ ဖတ်စေချင်လို့ မမ ပြန်ရေးပြီးပို့လိုက်တယ်။
မမ က အဖေ့ကိုအရမ်းချစ်တယ်၊ ဒါပေမဲ့ အဖေသွေးနဲနဲမှမပါသလိုပဲ ညီရယ်၊ စာတွေ၊ ကဗျာတွေ ရေးတတ်ချင်တယ်၊ ဘယ်ကစရေးရမှန်းမသိလို့ တခါတလေ ကိုယ့်ဘာသာ အားမလိုအားမရဖြစ်တတ်တယ်။
ဥပမာပေါ့နော် ...........ရင်ထဲမှာတခါတလေ ခံစားနေရတာကို စာရေးချပြီး ရင်ဖွင့်ချင်တယ်........... ဒါပေမဲ့ မမ မရေးတတ်ဘူး .......... ညံ့တာပေါ့နော်
ညီ့ကိုအားကျမိတယ် ...........ကဗျာရေးတာလဲတော်တယ် ............. ညီ့မွေးနေ့ရောက်တော့မယ်ဆိုပြီး ညီ့မေမေကို ကဗျာလေးရေးထားတာ ဖတ်ပြီး မျက်ရည်ဝဲမိတယ်....... စိတ်ထဲမှာ ညီ့ကို သနားမိတယ်(စိတ်မဆိုးနဲ့နော် သနားတယ်ဆိုလို့) .... မမ ပြောတာက မိသားစုနဲ့အတူမရှိဘဲ အဝေးတနေရာရောက်နေတဲ့ မမ မောင်လေး တစ်ယောက်ကို မွေးနေ့ပွဲမှာ ပျော်ရွှင်ပါစေလို့ ဆုတောင်းပေးပေမဲ့ .......... ညီ မပျော်ဘူးဆိုတာကို နားလည်တယ်လို့ပြောချင်တာပါ။
အဖေနဲ့အမေကို မွေးနေ့မှာ စိတ်ထဲကနေ မွေးပေးခဲ့တဲ့ ကျေးဇူးကို ကန်တော့ရင်း အပြစ်ရှိရင် ခွင့်လွတ်ပေးပါဆိုပြီ ကန်တော့နော် မောင်လေး..........
မင်းက အလုပ်များတဲ့သူဆိုတော့ online မှာတွေ့လဲ အနှောက်အယှက်ဖြစ်မှာဆိုးလို့ မမ ပြောချင်တာတွေရှိပေမဲ့ ...မပြောဖြစ်ခဲ့ဘူး...
ဒါပေမဲ့ ဘာပဲဖြစ်ဖြစ် ညီ မွေးနေ့မှာ ပျော်ရွင်ပါစေလို့ မမ စိတ်ရင်းအမှန်နဲ့ဆုတောင်းပေးပါတယ်။
ညီ့ကိုခင်တဲ့ မမ

.................... ညီ မမပြောတဲ့ မမ အဖေရေးတဲ့ စာသားလေးတွေ ဖတ်ကြည့်ဦးနော်
မိမိကိုယ်ပိုင်ကျင့်စဥ
် - ပတ်ဝန်းကျင်က မင်းကို အထင်သေးပြီးသား။
- ငွေနဲ့ပါတ်သက်ပြီး မယုံကြည်ရဘူးလို့ သတ်မှတ်ကြပြီးသား။
- မင်းရာဇ၀င်ကို မသိသိအောင်ကြိုးစားနေကြတယ်။
- မင်းကွယ်ရာမှာ မင်းကို အမျိုးမျိုးဝေဖန်ပြောဆိုကြတယ်။
- မင်းစကားတွေကို နားထောင်ကောင်းလို့ နားထောင်ကြပေမဲ့ ……မလေးစား…. မယုံကြည်ကြဘူးဆိုတာ သိထားပါ။
- မင်းကကျွေးတဲ့ပွဲဆိုရင် အပျင်းပြေလိုက်လာကြပေမယ့် …… မင်းဖြစ်လာရင်မင်းခံဆိုတဲ့ မျက်နှာတွေပေါ်ကို ဟန်ဆောင်ပြီး ပြုံးတဲ့ အပြုံးတွေ ဖုန်းလွှမ်းထားကြတယ်ဆိုတာ သတိထားပါ။
- နောက်ပြီး “ငွေ” မင်းသိပ်သုံးတယ်၊ သိပ်ဖြုန်းတယ်၊ မချွေတာဘူး၊
- ငွေကြောင့် အကြပ်အတည်းဖြစ်လာရင် မင်းတခုခုကို လုပ်လိုက်ရမှာဝန်မလေးတော့ဘူး..
- မင်းမှာ “ငွေ”မသုံးရရင် မနေနိုင်တဲ့ “ပိုး”က မင်းတကိုယ်လုံးမှ ပြန့်နှံ့နေပြီ ဆိုတာကို သတိထားပါ။

ဒီပို့စ်လေးကို ကျနော်မေးလ်ထဲကို လာရှယ်တော့ ဖတ်ကြည့်တာ သဘောကျသွားလို့ကူးယူ ဖော်ပြလိုက်တယ်။


၂၀၀၂ နှစ်ကုန်ပိုင်းလောက်မှာ အီတလီနိုင်ငံက သတင်းစာအချို့မှာ ထူးဆန်းတဲ့ လူပျောက်ကြော်ငြာ သတင်းတစ်ခုပါလာခဲ့တယ်။ ကြော်ငြာက ဒီလိုရေးထားပါတယ်။
“၁၉၉၂ ခုနှစ် ၅လပိုင်း ၁၇ရက်နေ့မှာ ဗွိုင်လာရီ မြို့တော်လမ်းမ စီးပွားရေးရပ်ကွက် ၅ က ကားရပ်တဲ့နေရာတစ်ခုမှာလူဖြူအမျိုးသမီးတစ်ဦးကို လူမည်းတစ်ဦးက မုဒိန်းကျင့်ခဲ့တယ်။ အဲဒီနောက် အမျိုးသမီးဟာ လူမည်းသမီးလေးတစ်ဦး ဖွားမြင်ခဲ့တယ်။ သူ့ခင်ပွန်းလည်း အမျိုးသမီးနဲ့အတူ လူမည်းကလေးကို ပြုစုပျိုးထောင်ဖို့ တာဝန်ယူခဲ့တယ်။ ဒါပေမဲ့ ဒီကလေးငယ် ကံမကောင်းခဲ့ရှာဘူး။ အခုအချိန်မှာ သူဟာ သွေးကင်ဆာရောဂါကို ခံစားနေရတယ်။ သူ့အတွက် ရိုးတွင်းချဉ်ဆီ ကုသဖို့ အရေးတကြီးလိုအပ်လာတယ်။ သူ့အသက်ကို ကယ်တင်ဖို့ တစ်ခုတည်းသော မျှော်လင့်ချက်က သူ့ဖခင်ပဲဖြစ်တယ်။ ဒါကြောင့် ဒီကြော်ငြာကို ဖတ်မိတဲ့ကာယာကံရှင်ကိုယ်တိုင် အယ်လီဇဘက်ဆေးရုံ ဒေါက်တာအင်ဒရေယာ နဲ့ ဆက်သွယ်ပါ”

ဒီလူပျောက်ကြော်ငြာက လူထုတွေကြားမှာ လှိုင်းဂယက်တစ်ခု ထသွားစေခဲ့တယ်။ လူတော်တော်များများ ဝေဖန်ကြတဲ့အကြောင်းက မုဒိန်းကျင့်ခဲ့တဲ့ လူမည်း ထွက်လာပြီး ၀န်ခံပါ့မလား? တကယ်လို့ ထွက်လာပြီးဝန်ခံရင် သူ့နာမည်ပျက်မယ်။ သူ့မိသားစု ပြိုကွဲမယ်။ တကယ်လို့ မထွက်လာဘဲ အသံတိတ်နေမယ်ဆိုရင် သူဟာ လုံးဝခွင့်မလွတ်နိုင်တဲ့ အပြစ်ကြီးတစ်ခုကို ထပ်ကျူးလွန်သူဖြစ်သွားလိမ့်မယ်။ ဒီဇာတ်လမ်းရဲ့ နိဂုံးက ဘယ်လိုအဆုံးသတ်မှာလဲ ဆိုတာကိုလူတွေက စိတ်ဝင်စားနေကြတယ်။-----------------------------------------------------------------------------------------------
အီတလီ ဗွိုင်လာရီ မြို့ရဲ့ ရပ်ကွက်တစ်ခုက မော်နီကာ ဆိုတဲ့ လူမည်း ကလေးမ တစ်ဦးဟာ အရှက်တစ်ခုရဲ့ လျှို့ဝှက်ချက်ကို အစဆွဲထုတ်ခဲ့တယ်။ သူ့အမေ... မုဒိန်းကျင့်ခံခဲ့ရဖူးတဲ့ အသက် ၃၅ နှစ်အရွယ် မာမိတာ ကလူတကာရဲ့ပစ်မှတ်ဖြစ်လာခဲ့တယ်။ သူနဲ့ သူ့ခင်ပွန်း ပီတာကလူဖြူတွေဖြစ်တယ်။ ဒါပေမဲ့ သူတို့ကလေးတွေက အဖြူတစ်ယောက်၊ အမည်းတစ်ယောက်ဖြစ်နေတယ်။ အဲဒီထူးခြားတဲ့ မြင်ကွင်းက ပတ်ဝန်းကျင်က လူတွေကို ပိုပြီးသံသယ၀င်စေခဲ့တယ်။ ဒါကို မာမိတာက ဘယ်လိုပြောလဲဆိုတော့ သူ့အဘွားက လူမည်းဖြစ်ပြီး အဘိုးကလူဖြူဖြစ်တဲ့အကြောင့် ဒါကြောင့် သမီးလေး မော်နီကာကျမှ သွေးကလာဆန့်ကျင်တာပါပေါ့လေ။ ၂၀၀၂ ခုနှစ် ဆောင်းဦးပေါက်မှာ လူမည်းလေး မော်နီကာ နာမကျန်းဖြစ်ပြီး ကိုယ်အပူချိန်တွေတက်ခဲ့တယ်။ နောက်ဆုံး ဒေါက်တာ အင်ဒရေယာက မော်နီကာမှာ သွေးကင်ဆာရှိနေတဲ့အကြောင်း ရိုးတွင်းချဉ်ဆီ ရွှေ့ပြောင်းကုသနည်းကမှ သူ့အတွက် တစ်ခုတည်းသော အကောင်းဆုံး ကုသနည်းဖြစ်ကြောင်း ပြောတယ်။
ဆရာဝန်က ဆက်ပြီး “မော်နီကာနဲ့ သွေးသားတော်စပ်တဲ့ လူတွေမှာ လိုအပ်တဲ့ ရိုးတွင်းချဉ်ဆီကို အလွယ်တကူ ရှာနိုင်ပါတယ်။ ဒါကြောင့် ခင်ဗျားတို့ဆွေမျိုးတွေအားလုံး ဆေးရုံလာပြီး စစ်ဆေးပါ” လို့ ပြောတယ်။ မာမိတာ ကမျက်စိမျက်နှာ ပျက်လို့ပေါ့။ ဒါပေမဲ့ ဆွေမျိုးတွေအားလုံးကို ခေါ်ပြီးစစ်ဆေးခဲ့ပါတယ်။ နောက်ဆုံးရတဲ့ အဖြေက သွေးချင်း “မကိုက်ညီပါ”တဲ့။
မော်နီကာရဲ့ ရောဂါအခြေအနေက သူနဲ့ သင့်တော်မဲ့ ရိုးတွင်းချဉ်ဆီရဖို့နှုန်း အင်မတန် သေးငယ်တဲ့အကြောင်း ဆရာဝန်က ပြောပြန်တယ်။ ဖြစ်နိုင်ဖို့အခြေအနေတစ်ခုက မာမိတာ နဲ့ သူ့ခင်ပွန်း နောက်ထပ် ကလေးတစ်ယောက် မွေးပြီး အဲဒီကလေးရဲ့သွေးတွေ မော်နီကာထဲ သွင်းပေးဖို့ ဆရာဝန်က အကြံပေးပြန်တယ်။ ဒီအကြံကို ကြားတော့ မာမိတာ တစ်ယောက် တုန်လှုပ်ခဲ့မိတယ်။ “ဘုရားရေ... ဘာဖြစ်လို့ ဒီလို ဖြစ်ရတာလဲ” လို့ သူ့နှုတ်က လွတ်ခနဲ့ အော်လိုက်မိတယ်။ ခင်ပွန်းဖြစ်သူကို မျှော်လင့်ချက်မဲ့တဲ့ အကြည့်၊ ချောက်ချားတဲ့ အကြည့်နဲ့ သူကြည့်လိုက်မိတယ်။
ခင်ပွန်းသည် ပီတာလည်း အဲဒီအကြံကြောင့် မျက်မှောင်ကြုတ်လို့။ ဒေါက်တာအင်ဒရေ က လူအတော်များများလည်း ဒီလိုသွေးသွင်းနည်းနဲ့ သွေးကင်ဆာကို ကုသကြကြောင်း၊ ဒီလိုကုသလို့လည်း မွေးဖွားလာတဲ့ ရင်သွေးငယ်ရဲ့ ကျန်းမာရေးကို မထိခိုက်နိုင်တဲ့အကြောင်း ထပ်တလဲလဲ ရှင်းပြနေခဲ့တယ်။ ဇနီးမောင်နှံ့နှစ်ဦးက ဘာမှပြန်မပြောဘဲ တိတ်ဆိတ်ငြိမ်သက်စွာနားထောင်နေခဲ့တယ်။ နောက်မှ “ကျွန်တော်တို့ စဉ်းစားပါရစေဦး” ဆိုတဲ့ စကားတစ်ခွန်းပဲ ပြောနိုင်ခဲ့တယ်။
နောက်တစ်နေ့ညနေ ဒေါက်တာအင်ဒရေတစ်ယောက် ဆေးရုံမှာ တာဝန်ကျနေတုန်း မာမိတာတို့ ဇနီးမောင်နှံ့နှစ်ဦး ရောက်လာခဲ့တယ်။ နှုတ်ခမ်းကို တင်းတင်းစေ့ထားတဲ့ မာမိတာရဲ့ လက်ကို ခင်ပွန်းသည်က တွဲထားတယ်။ မျက်နှာ မသာမယာနဲ့ ဆရာဝန်ကို “ ဒေါက်တာကို ကျွန်တော်တို့ အဖြစ်အပျက်တစ်ခု ပြောပြချင်ပါတယ်။ ဒါပေမဲ့ ဒီအဖြစ်အပျက်ကို ဒေါက်တာလျှို့ဝှက်ပေးရမယ်။ ဘာဖြစ်လို့လဲဆိုတော့ ဒါဟာကျွန်တော်တို့ နှစ်ပေါင်းအတော်ကြာ လျှို့ဝှက်လာတဲ့ ကိစ္စမို့ပါ” ဆရာဝန်ကတလေးတစား ခေါင်းညိတ်ပြလိုက်တယ်။
“လွန်ခဲ့တဲ့ ၁၀နှစ် ၁၉၉၂ခုနှစ် မေလမှာ ကျွန်တော့်သမီးလေး ယီလီယာနာ နှစ်နှစ်ပြည့်တယ်။ ကျွန်တော့်ဇနီး မာမိတာက စားသောက်ဆိုင်တစ်ဆိုင်မှာအလုပ်လုပ်တယ်။ သူက ညတိုင်း(၁၀) နာရီမှ အလုပ်ဆင်းတယ်။ အဲဒီညသူအလုပ်ဆင်းတော့ မိုးအကြီးအကျယ် ရွာနေခဲ့တယ်။ လမ်းပေါ်မှာလည်းလူခြေတိတ်နေတယ်။ စွန့်ပစ်ထားတဲ့ ကားရပ်နားနေရာ တစ်ခုရောက်တော့ နောက်ဖက်မှာ ခြေသံတစ်ခုကို သူကြားလိုက်မိတယ်။ နောက်လှည့်ကြည့်လိုက်တော့ လူမည်း လူရွယ်တစ်ဦး သူ့နောက်မှာ ရပ်နေတာကို တွေ့လိုက်တယ်။ လူမည်းက လက်ထဲကတုတ်နဲ့ သူ့ကိုရိုက်လိုက်တယ်။ မူးမေ့သွားတော့ သူ့ကို မဖွယ်မရာ လုပ်တော့တာပဲ။ သတိရလာတော့ အိမ်ကို အမြန်ဆုံး သူပြန်ပြေးခဲ့တယ်။ အိမ်ရောက်တော့ မနက်(၁)နာရီ ထိုးနေပြီ။ အရူးတစ်ယောက်လိုကျွန်တော်အိမ်ထဲကနေ ကမူးကရူးပြေးထွက်ပြီး အဲဒီလူမည်းကိုလိုက်ရှာခဲ့သေးတယ်။ ဒါပေမဲ့ အရိပ်အယောင်တောင် မတွေ့ခဲ့ဘူး။ အဲဒီညကျွန်တော်တို့ တစ်ယောက်ကိုတစ်ယောက် ပွေ့ဖက်ပြီး ငိုခဲ့ကြတယ်။ ကောင်းကင်ကြီးတစ်ခုလုံး ပြိုကျခဲ့သလိုပါပဲ” ပီတာက စကားကို ခဏရပ်လိုက်တယ်။ သူ့မျက်လုံးထဲမှာ မျက်ရည်တွေ ရစ်ဝိုင်းနေတယ်။
ပီတာက ဆက်ပြီး “ အဲဒီကိစ္စပြီးတော့ မကြာပါဘူး မာမိတာ မှာ ကိုယ်ဝန်ရှိလာတယ်။ ကိုယ်ဝန်က လူမည်းရဲ့ ကိုယ်ဝန်ပဲဖြစ်မယ်ဆိုပြီးကျွန်တော်တို့ ကြောက်ရွံ့စိုးရိမ်ခဲ့တယ်။ မာမိတာ က ကိုယ်ဝန်ဖျက်ချမလို့ဘဲဒါပေမဲ့ ကျွန်တော်တို့ရဲ့ ကလေးဖြစ်နေမှာလဲ စိုးခဲ့တယ်။စိုးရိမ်ကြောင့်ကြမှုနဲ့ ကျွန်တော်တို့ လအတော်ကြာ စောင့်နေခဲ့တယ်။ ၁၉၉၃ခုနှစ် မတ်လမှာ ကလေးတစ်ဦး ဖွားမြင်ခဲ့တယ်။ အဲဒီကလေးကလူမည်းဖြစ်နေတယ်။ ကျွန်တော်တို့ရဲ့ မျှော်လင့်ချက်တွေ ပျက်စီးဆုံးရှုံးခဲ့ရတယ်။ ကလေးကို မိဘမဲ့ဂေဟာပို့ဖို့ ကျွန်တော်တို့စဉ်းစားခဲ့သေးတယ်။ ဒါပေမဲ့ ကလေးရဲ့ငိုသံကြားတော့ မလုပ်ရက်ခဲ့ဘူး။ သူ့ကလည်း ၀မ်းနဲ့ လွယ်ခဲ့ရတဲ့ သက်ရှိတစ်ခုပါပဲလေ။ ကျွန်တော်နဲ့ မာမိတာ ကသစ္စာတရားရှိတဲ့ ခရစ်ယာန်ဘာသာဝင်တွေပါ။ နောက်ဆုံး သူ့ကို ကျွန်တော်တို့မွေးဖို့ ဆုံးဖြတ်ခဲ့တယ်။ သူ့နာမည်ကို မော်နီကာလို့ပေးလိုက်တယ်။
ဒေါက်တာအင်ဒရေယာ ရဲ့ မျက်ဝန်းမှာလဲ မျက်ရည်တွေ တွဲခိုနေတယ်။ ဒီဇနီးမောင်နှံ့နှစ်ဦး ဘာဖြစ်လို့ နောက်ကလေးတစ်ယောက် ထပ်မွေးဖို့ဒီလောက်တောင် ကြောက်ရွံ့နေရသလဲဆိုတာကို သူအခုမှ သဘောပေါက်တော့တယ်။ ဆရာဝန်က အလေးအနက်စဉ်းစားတဲ့ ပုံစံနဲ့ ခေါင်းတဆတ်ဆတ်ညိတ်ပြီး “အင်း... ဒီအဖြစ်အပျက်အတိုင်းဆိုရင် ခင်ဗျားတို့ နောက်ထပ် ကလေး(၁၀)ယောက်မွေးလဲမော်နီကာနဲ့ သင့်တော်မဲ့ ရိုးတွင်းချဉ်ဆီကို ရမှာမဟုတ်ဘူး” မာမိတာ ကိုသူတစ်ချက်ကြည့်ပြီး “ ဒီပုံအတိုင်းဆိုရင် ခင်ဗျားတို့ မော်နီကာရဲ့ဖခင်အရင်းကို ရှာရလိမ့်မယ်။ သူ့ရဲ့ ရိုးတွင်းချဉ်ဆီ ဒါမှမဟုတ် သူ့ကလေးရဲ့ ချဉ်ဆီကမှ မော်နီကာအတွက် သင့်တော်လိမ့်မယ်။ ဒါပေမဲ့ ခင်ဗျားတို့ဘ၀ထဲသူနောက်ထပ်တစ်ကြိမ် ပေါ်လာမှာကို ခင်ဗျားလို့ လိုလားသလား”
“ကလေးအတွက်ဆိုရင် သူ့ကို ကျွန်မခွင့်လွတ်နိုင်ပါတယ်။ တကယ်လို့ ကလေးကို ကယ်တင်ဖို့ သူထွက်လာမယ်ဆိုရင် သူ့ကို ကျွန်မတို့ တရားမစွဲပါဘူး”မိခင်တစ်ဦးရဲ့ ကြီးမားလေးနက်တဲ့ မေတ္တာစကားက ဒေါက်တာအင်ဒရေယာကို ကိုင်လှုပ်ခဲ့တယ်။ ရိုးတွင်းချဉ်ဆီ လှူဒါန်းဖို့အတွက် ထူးခြားတဲ့လူပျောက်ကြော်ငြာနဲ့ လှုပ်ဆော်ခဲ့တယ်။ ဖြစ်ပျက်ခဲ့တာလည်း နှစ်နဲ့ချီကြာခဲ့ပြီ။ လူ့ပင်လယ်မှာ တရားခံကို ဘယ်လိုရှာကြမလဲ? မာမိတာနဲ့ခင်ပွန်းက သေချာစဉ်းစားပြီး နာမည်အမှန်ကို မထုတ်ဖော်ဘဲ သတင်းစာမှာ လူပျောက်ကြော်ငြာထည့်ဖို့ ဆုံးဖြတ်ခဲ့ကြတယ်။
၂၀၀၂ခုနှစ် ၁၁လပိုင်း ဗွိုင်လာရီမြို့ရဲ့ သတင်းစာတိုင်းမှာ အထက်က ဖော်ပြခဲ့တဲ့အတိုင်း ထူးခြားတဲ့ လူပျောက်ကြော်ငြာပါလာခဲ့တယ်။မုဒိန်းကျင့်ခဲ့တဲ့ တရားခံကို မားမားမတ်မတ် ထွက်လာပြီး ကင်ဆာရောဂါ ခံစားနေရတဲ့ ကလေးရဲ့အသက်ကို ကယ်ဖို့ဖြစ်တယ်။ အဲဒီသတင်းက လူထုတွေကြားမှာ တောမီးလို ဟုန်းဟုန်းတောက်ခဲ့တယ်။ ဒေါက်တာ အင်ဒရေယာရဲ့ စာတိုက်ပုံးနဲ့ ဖုန်းက အဆက်ပြတ်တယ်လို့ မရှိခဲ့ဘူး။ ဓားစာခံအမျိုးသမီးက ဘယ်သူလဲ? သူ့ကို လူချင်းတွေ့ပြီး အကူအညီ အားပေးစကားတွေ ပေးချင်ကြောင်း လူတွေပြောကြမေးခဲ့ကြတယ်။
ဒါပေမဲ့ မာမိတာက လူတွေရဲ့ အကူအညီကို ငြင်းဆန်ခဲ့သလို သူ့နာမည်အမှန်ကိုလည်း ထုတ်ဖော်မပြောပြခဲ့ဘူး။ မော်နီကာက အဲဒီမုဒိန်းကောင်ရဲ့ သမီးပါလို့ လူတွေကို ပိုမသိစေချင်ခဲ့ဘူး။ သတင်းထောက်တွေကလည်း ဒီကိစ္စနဲ့ ပတ်သက်ပြီး ဝေဖန်ဆွေးနွေးကြပြန်တယ်။ရောမသတင်းစာက “အဲဒီလူမည်း ထွက်လာပြီး ၀န်ခံရဲပါ့မလား? တကယ်လို့ သူက သတ္တိရှိရှိနဲ့ ထွက်လာရဲတယ်ဆိုရင် လူတွေက သူ့ကို ဘယ်လို ဆက်ဆံကြမလဲ? တရားဥပဒေကရော သူ့ကိုဘယ်လို စီမံချက်ချမလဲ? ဖြစ်ခဲ့တဲ့ ပြစ်မှုအတွက် အပြစ်ပေးတာကို သူခံရမလား? ဒါမှမဟုတ် မားမားမတ်မတ် သတ္တိရှိရှိနဲ့ ထွက်ပြီးဝန်ခံတာကို အချီးကျူးခံမလား?” လို့ ဝေဖန်ပြန်တယ်။ တစ်ဖန် ဗွိုင်လာရီမြို့ခံ သတင်းစာက “ တကယ်လို့ ခင်ဗျားဟာ အဲဒီလူမည်းဆိုရင် ခင်ဗျားဘယ်လိုလုပ်မလဲ?” လို့ သတင်းဖတ်သူ အများနဲ့ ရှေ့မတိုးသာ နောက်မဆုတ်သာတဲ့ ပြဿနာကို ဆွေးနွေးပြန်တယ်။
မြို့ခံ ထောင်တွေကလဲ မာမိတာကို ကူညီကြတယ်။ ၁၉၉၂ ခုနှစ်က တရားခံတွေရဲ့ စာရင်းကို ဆေးရုံကို တင်ပြတယ်။ အဲဒီမြို့မှာ လူမည်းတွေက နည်းတော့ ၁၀နှစ်အတွင်း ပြစ်မှုကျူးလွန်တဲ့ လူမည်းတရားခံတွေကလည်း နည်းခဲ့တယ်။ သူတို့က မာမိတာကို “အဲဒီနှစ်တုန်းက မုဒိန်းမှုမဟုတ်တဲ့ ပြစ်မှုနဲ့ထောင်ကျတဲ့ လူတွေရှိခဲ့ပါတယ်။ ဒါပေမဲ့ သူတို့ မလုပ်ခဲ့ဖူးဘူးလို့လဲ မပြောနိုင်ဘူးလေ” လို့ အားပေးခဲ့တယ်။ တစ်ချို့က ထောင်ကလွတ်သွားခဲ့ပြီးတစ်ချို့က ထောင်ကျနေတုန်းပဲ။ မာမိတာနဲ့ ခင်ပွန်းက သူတို့ရဲ့ အကူအညီနဲ့ သဲလွန်စကို လိုက်ရှာခဲ့တယ်။ ထောင်သားတွေက ရိုးသား ဂရုစိုက်တဲ့ပုံစံနဲ့သဲလွန်စရဖို့ ကူညီပေးကြပါတယ်။ ဒါပေမဲ့ သူတို့တွေက မာမိတာကို အနိုင်ကျင့်ခဲ့တဲ့ လူမည်း မဟုတ်ခဲ့ပါဘူး။ မာမိတာရဲ့ အဖြစ်အပျက်ကထောင်ထဲမှာ ပြန့်လို့နေတယ်။ မိခင်တစ်ဦးရဲ့ ချစ်ခြင်းမေတ္တာက ထောင်သားအများကို ထိခိုက်ခံစားစေခဲ့တယ်။ လူဖြူပဲဖြစ်ဖြစ်၊လူမည်းပဲဖြစ်ဖြစ် မော်နီကာအတွက် ချဉ်ဆီလှူဒါန်းဖို့ သူတို့သဘောတူ အစစ်ဆေးခံခဲ့ကြတယ်။ ဒါပေမဲ့ သင့်လျှော်တဲ့လူ တစ်ယောက်မှ မတွေ့ခဲ့ဘူး။ဒီအဖြစ်အပျက်က လူအတော်များများကို စိတ်ထိခိုက်စေခဲ့တယ်။ သင့်တော်တဲ့ ချဉ်ဆီရဖို့ ပါဝင်စစ်ဆေးကြတဲ့ စေတနာရှင်တွေကလည်း မနည်းခဲ့ဘူး။စေတနာရှင်တွေ တစ်နေ့တစ်ခြား ပိုပိုများလာခဲ့တယ်။ မြို့မှာချဉ်ဆီလှူဒါန်းတဲ့ ဂယက်လှိုင်းတစ်ခု ထသွားခဲ့တယ်။ သွေးကင်ဆာ ခံစားနေရတဲ့ဝေဒနာရှင် တော်တော်များများက ဒီစေတနာရှင်တွေကြောင့် ကယ်တင်ခွင့်ရခဲ့တယ်။ ဒါပေမဲ့ မော်နီကာလေးက အဲဒီကံကောင်းခြင်းထဲမှာ မပါခဲ့ပါဘူး။
မာမိတာတို့ ဇနီးမောင်နှံ့နှစ်ဦးက အဲဒီလူမည်း ထွက်ပေါ်အလာကို စိုးတထိတ်ထိတ်နဲ့ စောင့်စားခဲ့ကြတယ်။ (၂)လကြာတဲ့အထိ လူမည်းရဲ့အရိပ်အယောင်ကို မတွေ့ခဲ့ဘူး။ ဒီလူမည်း လူ့ပြည်မှာ ရှိပါသေးသလားလို့ သူတို့စိတ်တွေ မတင်မကျဖြစ်ခဲ့ရတယ်။ ဒါမှမဟုတ် ဒီမြို့နယ်က ခွာသွားပြီလား? အီတလီမှာကော ရှိသေးရဲ့လား? ဒါမှမဟုတ် သူ့မိသားစု ပြိုကွဲမှာစိုးလို့ ထွက်မလာရဲတာလား? ဘယ်လိုပဲဖြစ်ဖြစ် မော်နီကာ တစ်ရက် အသက်ရှင်နေသေးရင် လူမည်းကိုရှာဖို့ မျှော်လင့်ချက်တစ်ရက် ရှိတယ်ဆိုတဲ့စိတ်နဲ့ သူတို့ လက်မလျှော့ခဲ့ကြဘူး။
အသက်ဝိညာဉ်တစ်ခုက နာကျင်တဲ့ ဝေဒနာကြားမှာ အလူးအလှိမ့် ခံစားလို့နေတယ်။ မမျှော်လင့်တဲ့ အဖြစ်တစ်ခုက မျှော်လင့်ချက်မဲ့နေချိန်မှာ ရောက်လာခဲ့တယ်။ ထူးခြားတဲ့ လူပျောက်ကြော်ငြာက အသက်(၃၀)ရှိ လူမည်း ဟိုတယ်ပိုင်ရှင် “အာချီလီ” ကို တုန်လှုပ်ချောက်ချားစေခဲ့တယ်။ ၁၉၉၂ ခုနှစ် မေလ ၁၇ ရက်နေ့ မိုးညတစ်ညမှာ အဲဒီလို အိပ်မက်ဆိုးတစ်ခု သူမက်ခဲ့ဖူးတယ်။ သူဟာ ဒီဇာတ်လမ်းရဲ့ ကာယာကံရှင်ပါပဲ။ လူကြီးလူကောင်း သူဌေးအာချီလီကို တစ်ချိန်တစ်ခါက ပန်းကန်ဆေးသမားလို့ ဘယ်သူထင်ရက်ခဲ့မလဲ? သူငယ်ငယ်ကတည်းက မိဘတွေ ကွယ်လွန်သွားခဲ့ပြီး စာလည်း သေချာမသင်ခဲ့ရဘဲ အလုပ်ထွက်လုပ်ခဲ့ရတယ်။ အလုပ်ကြိုးစားပြီး ထက်မြက်တဲ့ အာချီလီဟာ ကိုယ်ပိုင်လုပ်အားငွေနဲ့ လူတွေရဲ့ လေးစားမှုကို ခံယူချင်ခဲ့တယ်။ ဒါပေမဲ့ သူ့အလုပ်ရှင်က လူတန်းစားခွဲခြားတဲ့ လူဖြစ်ပြီး သူဘယ်လောက်ပဲ အလုပ်ကိုကြိုးစားလုပ်လဲ အဆူအဆဲပဲ ခံခဲ့ရတယ်။
၁၉၉၂ ခုနှစ် မေလ ၁၇ရက်နေ့က အာချီလီ အသက် ၂၀ပြည့်တဲ့နေ့ဖြစ်တယ်။ အလုပ်စောစောဆင်းပြီး ကိုယ့်မွေးနေ့ပွဲကို ကျင်းပမလို့ပါပဲ။ ဒါပေမဲ့သူ့ရဲ့ အလျှင်လိုမှုကြောင့် ပန်းကန်တစ်ချပ် ကျကွဲသွားခဲ့တယ်။ သူဌေးက သူ့ခေါင်းကို အတင်းဖိနှိပ်ပြီး ပန်းကန်ကွဲတွေကို မြိုချခိုင်းတယ်။အာချီလီက သူဌေးကို မုန်းမုန်းတီးတီးနဲ့ ဆွဲထိုးပြီး ဆိုင်ထဲကနေ ထွက်ပြေးလာခဲ့တယ်။ ဒေါသစိတ်ကြောင့် လူဖြူတွေကို ကလဲ့စားချေဖို့သူဆုံးဖြတ်လိုက်တယ်။ မိုးညက လမ်းပေါ်မှာ တိတ်ဆိတ်နေခဲ့တယ်။ ကားပတ်တစ်ခုမှာ မာမိတာကို တွေ့တော့ လူဖြူတွေကို မုန်းတီးတဲ့စိတ်နဲ့ အပြစ်မဲ့သူအမျိုးသမီးတစ်ဦးကို သူအနိုင်ကျင့်ခဲ့မိတယ်။
အနိုင်ကျင့်ပြီး အာချီလီ ကြောက်ရွံ့တုန်လှုပ်မိခဲ့တယ်။ အဲဒီညမှာပဲမွေးနေ့အတွက် စုထားတဲ့ငွေနဲ့ နေပယ်လ် မြို့ကိုသွားမဲ့ ရထားလက်မှတ်ကိုဝယ်ပြီး ဒီမြို့နဲ့ ဝေးရာကို သူထွက်ပြေးခဲ့တယ်။ နေပယ်လ်မြို့မှာသူကံကောင်းတယ်လို့ ဆိုရမယ်။ အမေရိကားလူမျိုးတစ်ဦး ဖွင့်ထားတဲ့စားသောက်ဆိုင်မှာ သူအလုပ်ရခဲ့တယ်။ ကြိုးစားပြီး အပင်ပန်းခံနိုင်တဲ့အာချီလီကို ဆိုင်ပိုင်ရှင် သူဌေးလင်မယားက သဘောကျခဲ့တယ်။ သမီးဖြစ်သူ“လီနာ”ကိုပါ သူနဲ့လက်ဆက်ပေးတဲ့အပြင် ဆိုင်တစ်ခုလုံးကိုလဲ အာချီလီလက်ထဲအပ်ခဲ့တယ်။ လာဘ်မြင်တဲ့ အာချီလီက စားသောက်ဆိုင်လေးကိုဟိုတယ်ကြီးတစ်ခုအဖြစ် တည်ထောင်နိုင်ခဲ့သလို ချစ်စရာကောင်းတဲ့ သားသမီး၃ဦးဖွားမြင်ခဲ့တယ်။
အလုပ်သမားနဲ့ မိသားစုရဲ့ အမြင်မှာ အာချီလီဟာ သူဌေးကောင်း၊ခင်ပွန်းကောင်းနဲ့ ဖခင်ကောင်းတစ်ဦးဖြစ်ခဲ့တယ်။ ပြစ်မှုတစ်ခုကျူးလွန်ခဲ့ဖူးတယ်ဆိုတာကိုလည်း သူဘယ်တော့မှ မမေ့ခဲ့ဘူး။သူကျူးလွန်ခဲ့မိတဲ့ အမျိုးသမီးကို ဘုရားသခင် စောင့်ရှောက်ဖို့၊ ဘေးမသီရန်မခဖို့ သူအမြဲဆုတောင်းခဲ့ပေမဲ့ ဘယ်သူ့ကိုမှ အဲဒီလျှို့ဝှက်ချက်ကိုသူမပြောပြရဲခဲ့ဘူး။ အဲဒီနေ့မနက်က သတင်းစာထဲက သတင်းကို ဘယ်နှစ်ကြိမ်မြောက်သူကြည့်မိခဲ့လဲ မသိဘူး။ သူဟာ သူတို့အလိုရှိနေတဲ့ တရားခံပဲဖြစ်ရမယ်လို့သူ့သိစိတ်ထဲကနေ သိလိုက်မိတယ်။ သနားစရာကောင်းတဲ့ အဲဒီအမျိုးသမီးကိုယ်ဝန်ရှိသွားမယ်လို့ သူလုံးဝ တွေးမထားမိခဲ့ဘူး။ ကလေးကိုမွေးခဲ့မယ်လို့လဲ မထင်ခဲ့မိဘူး။
ဒီရက်ပိုင်းအတွင်း ဒေါက်တာအင်ဒရေယာဆီ အာချီလီဖုန်းဆက်ချင်ခဲ့တယ်။ ဒါပေမဲ့ဖုန်းနံပါတ်လှည့်ပြီးတိုင်း ဖုန်းကို သူချလိုက်မိတယ်။ သူစိတ်တွေမတင်မကျနဲ့ တကယ်လို့ ဒီကိစ္စကို သူဝန်ခံခဲ့ရင် သူ့ရဲ့ အတိတ်ဆိုးကိုလူတွေသိကုန်တော့မယ်။ သားသမီးတွေက သူ့ကို မချစ်မနှစ်သက်တော့ဘဲ အေးချမ်းတဲ့သူ့အိမ်ထောင်ရေး ပြိုကွဲတော့မယ်။ လှပတဲ့ ဇနီးမယားတစ်ဦးနဲ့ ပတ်ဝန်းကျင်ရဲ့လေးစားမှုတွေ ဆုံးရှုံးရတော့မယ်။ ဒီလိုချမ်းအေးတဲ့ အခြေအနေတစ်ခုရောက်အောင်သူမနည်း ကြိုးစားခဲ့ရတယ် မဟုတ်လား..?
တစ်ည ညစာစားနေတဲ့အချိန်မှာ မိသားစုအားလုံးက ယခင်ပုံမှန်အတိုင်းပဲအဲဒီသတင်းကို ဆွေးနွေးနေကြတယ်။ မယားဖြစ်သူ လီနာက “မာမိတာကိုကျွန်မအရမ်းချီးကျူးမိတယ်။ တကယ်လို့ ကျွန်မသာ သူဖြစ်ခဲ့ရင် သတ္တိရှိရှိနဲ့ကလေးကို မွေးခဲ့မှာ မဟုတ်ဘူး။ မာမိတာရဲ့ ခင်ပွန်းကို ကျွန်မပိုချီးကျူးမိတယ်။ သူဟာ ဒီလိုကလေးတစ်ယောက်ကို လက်ခံပေးနိုင်တဲ့လေးစားထိုက်တဲ့ လင်ယောက်ျားတစ်ဦးပါပဲ” အာချီလီက နှုတ်ဆိတ်ပြီး မယားရဲ့စကားကို နားထောင်နေခဲ့တယ်။
ရုတ်တရက် သူက “အဲဒီ တရားခံကို ဘယ်လိုမြင်သလဲ?” လို့ မေးလိုက်တော့ လီနာက“သူဟာ အမှားတစ်ခု လုပ်ခဲ့ပြီးပြီ။ အခုလို အချိန်မှာသူထပ်ပုန်းရှောင်နေသေးရင် အဲဒီလူကို ကျွန်မ လုံးဝခွင့်လွတ်မှာ မဟုတ်ဘူး။သူဟာ စက်ဆုပ်ဖို့ကောင်းတဲ့လူ၊ တစ်ကိုယ်ကောင်းဆန်တဲ့လူ၊သူရဲဘောကြောင်တဲ့လူ၊ သတ္တိနည်းတဲ့လူပဲ” လို့ပြောတော့စိတ်ဆိုးမာန်ဆိုးပြောနေတဲ့ ဇနီးသည်ရဲ့စကားကို နားထောင်ပြီး အဖြစ်မှန်ကိုပြောပြဖို့ အာချီလီ တွန့်ဆုတ်နေခဲ့တယ်။
အဲဒီညက အာချီလီရဲ့ (၅)နှစ်အရွယ်သားတစ်ယောက် အိပ်ချိန်မှာ မအိပ်လို့ အာချီလီ စိတ်မထိန်းနိုင်ဘဲ ရိုက်လိုက်မိတယ်။ ကလေးက ငိုပြီး “ ဖေဖေကလူဆိုးကြီး၊ ဖေဖေ့ကို မခေါ်တော့ဘူး။ သားရဲ့ ဖေဖေမလုပ်နဲ့တော့” လို့ပြောလိုက်တဲ့ စကားက အာချီလီရဲ့ ရင်ဝကို တိုက်ရိုက်ထိမှန်ခဲ့တယ်။ သားကိုပွေ့ဖက်ပြီး “ဖေဖေမှားပါတယ်။ နောက်ကို မရိုက်တော့ပါဘူး” လို့ တောင်းပန်ရင်း သူမျက်ရည်ကျနေမိခဲ့တယ်။

အဖေ မျက်ရည်ကျတာကို မြင်တော့ သားဖြစ်သူက အံ့သြသွားတယ်။ “ဖေဖေ့ကို သားခွင့်လွတ်ပါတယ်။ ဆရာမက ပြောတယ်။ အမှားကို ပြင်နိုင်တဲ့သူဟာလူကောင်းတဲ့” လို့ အဖေကို ပြန်ချော့မေ့နေခဲ့တယ်။ အဲဒီညတစ်ညလုံး သူ့ကိုယ်သူ ငရဲရောက်နေသလားလို့ အာချီလီ ထင်မှတ်ခဲ့တယ်။ အတိတ်ဆိုးဆိုးမိုးသည်းညနဲ့ အမျိုးသမီးရဲ့ ပုံရိပ်တစ်ခုကို သူမြင်ယောင်နေမိတယ်။ အမျိုးသမီးရဲ့ အကူအညီမဲ့သံနဲ့ ငိုကြွေးသံကို သူကြားယောင် နေမိတယ်။ “ငါဟာလူကောင်းလား.. လူဆိုးလား ” လို့ သူ့ကိုယ်သူ မေးမိတိုင်း ဘေးမှာ အိပ်စက်နေတဲ့ ဇနီးရဲ့ စည်းချက်မှန်မှန် အသက်ရှုသံကို နားထောင်ပြီး ထ,ရပ် ၀န်ခံဖို့ အင်အားတွေ ပျောက်ဆုံးခဲ့ရတယ်။
မနက်မိုးလင်းတော့ ခါတိုင်းနဲ့မတူဘဲ မျက်နှာမသာမယာဖြစ်နေတဲ့ သူ့ကို ဇနီးက သတိထားမိလိုက်တယ်။ “ဘာဖြစ်တာလဲ” ဆိုတဲ့အမေးကို “နေမကောင်းလို့ပါ” ဆိုတဲ့အဖြေနဲ့ သူကွေ့ရှောင်ခဲ့မိတယ်။ အလုပ်သမားတွေရဲ့ နွေးထွေးတဲ့ နှုတ်ဆက်မှုအောက်မှာ သူလိပ်ပြာမလုံဖြစ်ခဲ့တယ်။ စိတ်ထဲမှာ ပြည့်ကျပ်နေတဲ့ ရှက်ရွံ့ထိတ်လန့်ခြင်းတွေက သူ့ကို ၀ါးမြိုမတတ်ပါပဲ။
အရှက်တရားနဲ့ ဖုံးဖိထားတဲ့ သူ့ဘ၀ကို လွတ်မြောက်ဖို့ အာချီလီ နှုတ်ဆိတ်မနေနိုင်တော့ဘူး။ အများသုံးဖုန်းနဲ့ ဒေါက်တာအင်ဒရေယာဆီသူဖုန်းဆက်ခဲ့တယ်။ အတတ်နိုင်ဆုံး အသံကို တည်ငြိမ်အောင်ထားပြီး “ကံခေတဲ့ ကလေးရဲ့ ကျန်းမာရေးကို သိချင်လို့ပါ” လို့ မေးတော့ “ကလေးရဲ့ အခြေအနေကတော်တော်ဆိုး နေတယ်။ သူ့ဖခင်ကို သူတွေ့ခွင့်ရမှ ရနိုင်ပါ့မလား မသိတော့ဘူး” လို့ ပြန်ဖြေလိုက်တဲ့ ဆရာဝန်ရဲ့ စကားက ရင်ထဲမှာကိန်းအောင်းနေတဲ့ ဖခင်တစ်ဦးရဲ့ မေတ္တာကို လှုပ်နိုးခဲ့တယ်။ သူဟာ ငါ့ရဲ့ သွေးသားပါလား..? တစ်ခါမှားခဲ့ဖူးတဲ့ အမှားကို သူထပ်မကျူးလွန်မိဖို့၊မော်နီကာအတွက် ထရပ်ဖို့ သူဆုံးဖြတ်ချက်ချလိုက်တယ်။
ညရောက်တော့ အရဲစွန့်ပြီး ဇနီးသည်ကို အကြောင်းစုံ သူပြောပြလိုက်တယ်။ “ငါဟာ မော်နီကာရဲ့အဖေ ဖြစ်ကောင်းဖြစ်လိမ့်မယ်။ ငါသူ့ကို ကယ်မှဖြစ်မယ်”သူ့စကားကို ကြားတော့ လီနာတုန်လှုပ်သွားခဲ့တယ်။ ၀မ်းနည်းခြင်းတွေနဲ့အတူ စိတ်ဆိုးဒေါသထွက်ပြီး “ရှင်ဟာ လူလိမ်ပဲ” အော်ပြီး ကလေးတွေနဲ့ မိဘအိမ်ကို ပြန်သွားခဲ့တယ်။ အာချီလီရဲ့ အကြောင်းစုံကို မိဘတွေကို ပြောပြလိုက်တယ်။ စစခြင်းမှာ ယောက္ခမတွေက စိတ်ဆိုးဒေါသထွက်ကြပေမဲ့ ခဏအတွင်းမှာပဲ စိတ်တွေတည်ငြိမ်သွားပြီး.... “မှန်တယ်။ သူပြုခဲ့တဲ့ အပြုအမှုတွေအတွက် ငါတို့သူ့ကို ဒေါသထွက်သင့်တယ်။ ဒါပေမဲ့ အဖြစ်မှန်ကိုပြောပြဖို့ သူ့အတွက် သတ္တိတွေ ဘယ်လောက်လိုခဲ့သလဲ ဆိုတာကို ငါတို့ ပြန်တွေးကြည့်သင့်တယ်။ ဒါဟာ သူ့စိတ်ရင်းအမှန် မမှေးမှိန်သေးဘူးဆိုတာ သက်သေပြနေတာပဲ။ အမှားလုပ်ခဲ့ပြီး အမှန်ကို ပြုပြင်တဲ့ ခင်ပွန်းတစ်ယောက်ကို သမီးအလိုရှိသလား..? ဒါမှမဟုတ်တစ်သက်လုံး အမှားကို ဖုံးကွယ်ထားတဲ့ ခင်ပွန်းတစ်ယောက်ကို အလိုရှိသလား?”မိဘစကားကို နားထောင်ပြီး လီနာ ခဏ နှုတ်ဆိတ်သွားခဲ့မိတယ်။

နောက်တစ်နေ့ မနက်အစောကြီး အိမ်ကို လီနာပြန်ခဲ့တော့ ရီဝေကြေကွဲနေတဲ့ မျက်လုံးနဲ့ အာချီလီကို တွေ့လိုက်တယ်။ ခိုင်မာတဲ့ ဆုံးဖြတ်ချက်နဲ့အာချီလီကို “ဒေါက်တာ အင်ဒရေယာကို ရှင်သွားရှာပါ။ ကျွန်မ အဖော်လိုက်ခဲ့မယ်” ဆိုပြီး ၂၀၀၃ ခုနှစ် ဖေဖော်ဝါရီ ၃ရက်နေ့မှာ ဒေါက်တာ အင်ဒရေယာနဲ့ သူတို့ အဆက်အသွယ်ရခဲ့တယ်။ ဖေဖော်ဝါရီ ၈ ရက်နေ့ အယ်လီဇဘက်ဆေးရုံမှာ အာချီလီကို DNA စစ်ဆေးခဲ့တယ်။ ရလဒ်က မော်နီကာဟာ အာချီလီရဲ့ သွေးသားပဲဖြစ်တယ်။မုဒိန်းတရားခံ လူမည်းကြီး သတ္တိရှိရှိနဲ့ လာရောက်ဝန်ခံတယ်ဆိုတဲ့သတင်းကိုကြားတော့ မာမိတာမျက်ရည်ကျမိတယ်။ လူမည်းအပေါ်ထားတဲ့ သူ့ရဲ့အမုန်းရန်ငြိုးဟာ ၁၀နှစ်ရှိပြီဆိုပေမဲ့ အခုလို သတ္တိရှိရှိ ထွက်ပြီးဝန်ခံလာတာကိုတော့ သူစိတ်လှုပ်ရှားမိတယ်။ ကာယကံရှင်တွေရဲ့ ကိုယ်ရေးကိုယ်တာလျှို့ဝှက်ချက်တွေ မပေါက်ကြားစေဖို့ အရာအားလုံးကို လျှို့ဝှက်တင်းကျပ်စွာစစ်ဆေးခဲ့တယ်။ ဆေးရုံက တာဝန်ရှိသူများကလည်း ကာယကံရှင်တွေရဲ့နာမည်အမှန်ကို သတင်းထောက်တွေဆီ မပေါက်ကြားစေဘဲ မော်နီကာရဲ့ ဖခင်ကိုရှာတွေ့ပြီဖြစ်ကြောင်းပဲ သတင်းပေးခဲ့တယ်။
ဒီသတင်းကို ဂရုစိုက် အလေးထားကြားတဲ့ လူထုတွေက ဒေါက်တာ အင်ဒရေယာကိုဖုန်းတွေ၊ စာတွေနဲ့ ဆက်သွယ်ပြီး တရားခံလူမည်းကို သူတို့ခွင့်လွတ်လေးစားကြောင်း သတင်းပါးစေတယ်။ “တစ်ချိန်တစ်ခါမှာ သူဟာပြစ်မှုကျူးလွန်သူ ဖြစ်ခဲ့ပေမဲ့ အခုအချိန်မှာ သူဟာသူရဲကောင်းတစ်ဦးဖြစ်တယ်” လို့လည်း အားပေးစကားပြောကြတယ်။ ဖေဖော်ဝါရီ၁၀ရက်နေ့မှာ အာချီလီကို တွေ့ဆုံခွင့်ပေးဖို့ မာမိတာ တို့ လင်မယားတောင်းဆိုခဲ့တယ်။ စစခြင်းမှာတော့ သူတို့နဲ့ မျက်နှာချင်းဆိုင်တွေ့ဖို့အာချီလီ သတ္တိမရှိခဲ့ဘူး။ ဒါပေမဲ့ မာမိတာ ရဲ့ ထပ်သလဲလဲ တောင်းဆိုမှုကိုသူသဘောတူလိုက်တယ်။
ဖေဖော်ဝါရီလ ၁၈ရက်နေ့ တာဝန်ရှိသူတွေရဲ့ လျှို့ဝှက်စီစဉ်ပေးမှုနဲ့ဆေးရုံမှာ သူတို့တွေ့ခွင့်ရခဲ့ကြတယ်။ ဆံပင်ညှပ်ပြီးစ အာချီလီဟာမာမိတာ ကိုတွေ့တော့ လှမ်းနေတဲ့ ခြေလှမ်းတွေ ရွေ့မရအောင် လေးလံနေသလိုမျက်နှာတစ်ခုလုံး ဖြူရော်လို့နေတယ်။ မာမိတာ တို့ ဇနီးမောင်နှံ့ကရှေ့တိုးပြီး အာချီလီရဲ့ လက်ကို တင်းတင်းဆုပ်ကိုင်လိုက်တယ်။သုံးယောက်သားရဲ့ ပါးပြင်မှာ မျက်ရည်တွေက အဆက်မပြတ် စီးဆင်းလို့နေတယ်။အာချီလီက ဆို့နင့်တဲ့ အသံနဲ့ “ ကျေးဇူးပြုပြီး ကျွန်တော့်ကိုခွင့်လွတ်ပါဆိုတဲ့ စကားက ကျွန်တော့်ရင်ထဲမှာ ကိန်းအောင်းနေတာ၁၀နှစ်ရှိခဲ့ပါပြီ။ ဒီနေ့မှပဲ ကျွန်တော့်နှုတ်နဲ့ တောင်းပန်ဖို့အခွင့်ရတော့တယ်“ “ ရှင်အခုလို ထွက်ပြီး ၀န်ခံလာတာကို ကျွန်မတို့ကျေးဇူးတင်ပါတယ်။ ရှင်ရဲ့ချဉ်ဆီနဲ့ ကျွန်မသမီးလေးကို ကယ်တင်ဖို့ဘုရားသခင်က ရှင့်ကို ကောင်းချီးပေးပါစေ”
ဖေဖော်ဝါရီ ၁၉ရက်မှာ အာချီလီရဲ့ ချဉ်ဆီကို ဆရာဝန်တွေက ခွဲစိတ်စစ်ဆေးခဲ့ကြတယ်။ ကံကောင်းစွာပဲ သူ့ရဲ့ချဉ်ဆီတွေ မော်နီကာအတွက်လုံးဝသင့်တော်နေခဲ့တယ်။ ၂၀၀၃ ခုနှစ် ဖေဖော်ဝါရီ ၂၂ရက်နေ့ လူတွေ မျှော်လင့်စောင့်စားနေတဲ့အချိန် ရောက်ရှိလို့ လာပါပြီ။ အာချီလီရဲ့ရိုးတွင်းချဉ်ဆီတွေ မော်နီကာကိုယ်ထဲ ရွေ့ပြောင်းပေးလိုက်ကြတယ်။ အသက်အန္တရာယ်ကနေ မော်နီကာ သီသီလေးလွတ်ခဲ့ပြီး (၁) ပတ်အတွင်းမှာနေကောင်းကျန်းမာလာခဲ့တယ်။ မာမိတာ တို့ လင်မယား အာချီလီကိုလုံးဝခွင့်လွတ်ပေးပြီး ဒေါက်တာ အင်ဒရေယာနဲ့ အတူ ထမင်းဖိတ်စားခဲ့တယ်။
ဒါပေမဲ့ ထမင်းစားဖိတ်တဲ့နေ့မှာ အာချီလီကိုယ်စား ဒေါက်တာ အင်ဒရေယာက စာတစ်စောင်ယူလာခဲ့တယ်။ စာထဲမှာ အားနာခယစွာနဲ့ “ခင်ဗျားတို့ရဲ့တည်ငြိမ်အေးဆေးနေပြီဖြစ်တဲ့ ဘ၀ကို ကျွန်တော် မနှောင့်ယှက်ပါရစေနဲ့တော့။ မော်နီကာလည်း ပျော်ရွှင်စွာ ခင်ဗျားတို့နဲ့ အတူရှိနေနိုင်ဖို့ ကျွန်တော်မျှော်လင့်ပါတယ်။ တကယ်လို့ အကူအညီလိုခဲ့ရင် ကျွန်တော့်ကို ပြောပါ။ အတတ်နိုင်ဆုံး ကျွန်တော်ကူညီပါ့မယ်။ တစ်ဆက်ထဲမှာပဲ မော်နီကာကိုလည်းကျွန်တော်အရမ်း ကျေးဇူးတင်မိပါတယ်။ သူ့ကြောင့် အပြစ်တစ်ခုကို ၀န်ချဖို့ ကျွန်တော်အခွင့်ရခဲ့တယ်။ သူ့ကြောင့် ကျွန်တော်ရဲ့ လက်ကျန်ဘ၀လေးပျော်ရွှင်ခွင့်ရခဲ့တယ်။ ဒါဟာ သူပေးတဲ့ ကျွန်တော့်အတွက် အကောင်းဆုံးလက်ဆောင်ဖြစ်တယ်”လို့ပြောခဲ့ပါတယ်.....................................။။


လူတစ်ယောက်ဟာ ကိုယ်ပြုခဲ့တဲ့ အပြုမှုကို တာဝန်ယူဖို့အတွက် သတ္တိတွေဘယ်လောက်လိုသလဲ? လူတိုင်းရဲ့ ရင်ထဲမှာ စံပေတံတစ်ခု ရှိပါလိမ့်မယ်။ဒီစာကို ဖတ်ပြီး မာမိတာ တို့ လင်မယားကို အရမ်းလေးစားမိတယ်။ အဖြူတစ်ယောက်၊အမည်းတစ်ယောက် မွေးထားတဲ့ ကလေးတွေကြောင့် လူတွေရဲ့ အထင်အမြင်လွဲမှားတဲ့အကြည့်နဲ့ ကြည့်ခံခဲ့ရပေမဲ့ ကလေးလေးကို လူလားမြောက်အောင် သူတို့ပြုစုခဲ့တယ်။ အာချီလီရဲ့ လုပ်ရဲခံရဲတဲ့ သတ္တိကိုလဲ ချီးကျူးမိတယ်။လူသားတိုင်းအမှားနဲ့မကင်းနိုင်ကြပါဘူး။